Zaburi 10:1-18
ל [Lamed]
10 Yaye Jehova, ang’o momiyo ichung’ gi chien?
Ang’o momiyo ipondo e ndalo mag chandruok?+
2 Jaricho sungore ka lawo ng’at ma sandore,+To enomok e obadho moloso owuon.+
3 Jaricho pakore kuom gombone maricho,+Kendo oguedho jo ma igi lach;*נ [Nun]Ochayo Jehova.
4 Jaricho ok non wach nikech ojasunga,Gima osiko oparo en ni, “Nyasaye onge.”+
5 Gik motimo dhine maber,+To buche mag Nyasaye otame winjo;+Ojaro ajara wasike duto.
6 Owacho e chunye niya: “Ok anayiengni ngang’;Ok anayud chandruok moro amora,Kuom tienge duto ma biro.”+
פ [Pe]
7 Dhoge opong’ gi kuong’, miriambo, kendo obwogo ji,+Dhoge yot e wacho weche maricho kendo ma hinyo ji.+
8 Okiyo ji e bath yore mag gwenge;Onego ng’at ma onge ketho gi ka ma opondoe.+
ע [Ayin]
Osiko ong’icho ka omanyo ng’at ma domonji.+
9 Okiyo ji ka ma opondoe mana ka sibuor;+
Ee, okiyo ng’at ma onge teko mondo omake.
Okiyo ng’at ma onge gi teko mondo odinne e obadho.+
10 Ogoyo ng’at momakono ma podh piny,Ng’atno podho nikech ohewe gi teko.
11 Owacho e chunye niya: “Wi Nyasaye osewil.+
Bende, osepando wang’e,Onge gimoro amora moneno.”+
ק [Qoph]
12 A Jehova, a malo.+ A Nyasaye, nyis tekoni.+
Kik wiyi wil gi jo ma dwaro kony.+
13 Ang’o momiyo jaricho ochayo Nyasaye?
Owacho e chunye niya: “Nyasaye ok bi kuma.”
ר [Resh]
14 To adier, ineno jo ma chandore kendo mokuyo.
Ineno chandruokgi kendo iikori konyogi.+
Ng’at misando ringo iri;+In e mikonyo nyithi kiye.+
ש [Shin]
15 Tur bad jaricho kod ng’at ma timbene orochore,+Kumgi nikech timbegi richo,Nyaka chop girum chuth.
16 Jehova e Ruoth nyaka chieng’.+
Ogendni oselal nono e piny.+
ת [Taw]
17 A Jehova, iniwinj kwayo mag jo mamuol,+
Initeg chunygi+ kendo inichiknegi iti.+
18 Ining’ad bura makare ne nyithi kiye kod jo ma isando,+Mondo dhano adhana kik migi luoro.+
Weche Moler Piny
^ Kata nyalo bedo, “Ng’at ma iye lach guedhore owuon.”
