Zaburi 116:1-19
116 Ahero JehovaNimar owinjo dwonda sa ma akwaye mondo okonya.+
2 Ochikona ite,+Kuom mano, abiro luonge kinde duto ma pod angima.
3 Tonde mag tho norida matek;Masiche mag Liel* nolwora koni gi koni.+
Parruok gi kuyo nohewa.+
4 To naluongo nying Jehova ka awacho niya:+
“Yaye Jehova, yie iresa!”
5 Jehova en Nyasaye makare kendo okecho ji;+Adier, Nyasachwa ng’won.+
6 Jehova rito jo ma onge lony.+
Ne athagora, to ne oresa.
7 We mondo chunya obed mos,Nimar Jehova osetimona gik mabeyo.
8 Oseresa a e tho;Osemiyo pi wang’a oweyo chuer, kendo osegeng’o tienda mondo kik achwanyra.+
9 Abiro wuotho e nyim Jehova e piny jo mangima.
10 Kata obedo ni nachandora ahinya,+Ne awuoyo nikech ne an gi yie.
11 Luoro nomaka mi arikni wacho niya:
“Dhano duto gin jomiriambo.”+
12 Ang’o ma dachul JehovaKuom gik mabeyo duto mosetimona?
13 Abiro ting’o okombe mar warruok malo,Kendo abiro luongo nying Jehova.
14 Abiro chopo singruok ma asetimo gi JehovaE nyim joge duto.+
15 Tho mar jo momakore gi JehovaNigi nengo maduong’ e wang’e.+
16 Yaye Jehova, asayi,Nimar an jatichni.
Adier, an jatichni ma wuod misumbani ma nyako.
Isegola e nyoroche ma notweyago.+
17 Abiro chiwoni misango mar erokamano;+Abiro luongo nying Jehova.
18 Abiro chopo singruok ma asetimo gi Jehova+E nyim ji duto,+
19 E laru mag od Jehova,+A Jerusalem, mana e dieri.
Pakuru Jah!*+
Weche Moler Piny
^ Hibrania, “Sheol.” Som Tiend Weche.
^ Kata, “Haleluyah!” “Yah” kata “Jah” en nying Jehova e yo machuok.
