Zaburi 71:1-24
71 A Jehova, in e kar bwokna.
Kik iwe ane wich-kuot.+
2 Konya kendo igola e chandruok nikech in Jal makare.
Chikna* iti mondo iresa.+
3 Bedna lwanda motegnoMa anyalo ringoe sa asaya.
Gol chik mondo iresa,Nimar in e lwandana kendo ohingana.+
4 Yaye Nyasacha, resa e lwet jaricho,+Gola e lwet ng’at ma sanda.
5 Nimar ageno kuomi, yaye Jehova Wuon Loch Duto,Asegeni chakre tinna.+
6 Asegeno kuomi chakre nyuolna;In e ma ne igola e i minwa.+
Abiro paki ndalo duto.
7 Ji mang’eny hum konena;In e kar bwokna motegno.
8 Dhoga opong’ gi pakni;+Kendo odiechieng’ duto ahulo duong’ni.
9 Kik iwita ka aseti;+Kik ijwang’a ka tekona orumo.+
10 Wasika wuoyo marach kuoma,Kendo jo ma chano kaka diginega ng’ado rieko.+
11 Giwacho niya: “Nyasaye oseweye.
Omiyo, laweuru umake nimar onge ng’at ma biro konye.”+
12 A Nyasaye, kik ibed mabor koda,Bi piyo mondo ikonya, yaye Nyasacha.+
13 Mad jo ma kwedaOyud wich-kuot kendo gilal nono.+
Mad jo ma dwaro hinyaOyud wich-kuot gi achaya.+
14 An to abiro riti ka an gi geno;Abiro medo mana paki.
15 Dhoga biro hulo timbeni makare,+Kendo pile abiro hulo warruok ma a kuomi,Kata obedo ni ging’eny mokalo akwana.+
16 Abiro nyiso ji tijeni madongo,A Jehova Wuon Loch Duto,Adier, in kendi e ma nahul timbeni makare.
17 A Nyasaye, isepuonja chakre tinna,+Kendo nyaka kawuono pod ahulo timbeni miwuoro.+
18 Yaye Nyasaye, kata ka chieng’ ati kendo wiya opong’ gi lwar kik ijwang’a.+
Abiro lando tekoni ne tieng’ ma biro,Kaachiel gi nyaloni maduong’ ne jo ma nobi bang’e.+
19 A Nyasaye, timni makare ochopo e polo.+Isetimo gik madongo;Ng’ano ma dipim kodi, yaye Nyasaye?+
20 Kata obedo ni isemiyo ayudo chandruoge kod lit mathoth,+Meda teko;Gola kuonde matut mag piny.*+
21 Meda duong’,Kendo rita kihoyo chunya.
22 Eka abiro paki gi gir thum migwelo,A Nyasacha, nikech in ja adiera.+
Yaye Jal Maler mar Israel,Abiro werni gi nyatiti.
23 Dhoga biro kok gi mor ka aweroni pak,+Nimar isereso ngimana.+
24 Lewa biro hulo timbeni makare odiechieng’ duto,+Nimar jo ma dwaro hinya biro yudo wich-kuot mi ging’eng’.+
