Zaburi 17:1-15
Lamo mar Daudi.
17 A Jehova, winj kwayona makare;Chik iti ne ywakna;Yie iwinj lamona ma onge wuondruok.+
2 Ng’adna bura makare;+Wengeni one gima kare.
3 Isenono chunya, isenona gotieno;+Isepwodha;+Ininwang’ ni ok achano timo gimoro amora marach,Kendo dhoga pok oketho.
4 Kata bed ni jomamoko timo ang’o,An to ok aluw timbe jomecho, nikech aluwo wach moa e dhogi.+
5 Konya mondo asik kawuotho e yoriMondo kik achwany tienda.+
6 A Nyasaye, aywakni nikech ibiro winja.+
Chiknae iti. Winjie wechena.+
7 Nyis herani mosiko e yo malich miwuoro,+Yaye, in ma iwaro jogo moringo e badi korachwich
Kiresogi e lwet jo ma ng’anyoni.
8 Rita ka tong wang’i;+Panda e tipo mar buombeni.+
9 Rita kuom joricho ma monja,Kuom wasika molwora koni gi koni.+
10 Chunygi osedhil,Kendo giwuoyo gi sunga;
11 Sani gidinonwa;+Gikiyowa mondo gigowa piny.
12 Ochalo sibuor ma dwaro kidho le,Ee, sibuor matin ma kiyo le moro.
13 A Jehova, a malo iked kode+ kendo iloye;Resa e lwet joricho gi liganglani;
14 Resa gi tekoni, A Jehova,Resa e lwet jo pinyni, ma pokgi nie pinyni,+Ma imiyo gik mabeyo mang’eny,+Kendo ma weyo mwandugi mang’eny ne nyithindgi.
15 An to anane wang’i nikech an ng’at makare;Kendo ka achiewo to chunya nopong’ gi mor ka aneno kaka kiti chalo.+
