Zaburi 46:1-11
Ne jatend wer. Zaburi mar yawuot Kora.+ Onego ower wendni kaluwore gi Alamoth.*
46 Nyasaye e kar bwokwa kendo en e tekowa,+En e ma okonyowa e kinde mag chandruok.+
2 Mano e momiyo ok wabi luor kata piny lokre,Kata gode mukre mi lwar e chuny nam,+
3 Kata pige manie nam wuo mi gol buoyo,+Kata ka gode yiengni nikech nam ochacho. (Sela)
4 Nitie aora moro ma aochene matindo kelo mor e dala Nyasaye,+E i hekalu maler mar Jal Mamalo Chutho.
5 Nyasaye odak e i dalano,+ omiyo, dalano ok bi podho.
Nyasaye biro konye ka piny yawore.+
6 Ogendni ne go koko, pinjeruodhi ne podho;Noting’o dwonde mi piny noleny nono.+
7 Jehova Nyasach oganda lweny ni kodwa;+Nyasach Jakobo e kar bwokwa. (Sela)
8 Biuru une tije Jehova.
Biuru une gik miwuoro mosetimo e piny.
9 Otieko lwenje e piny duto.+
Oturo atunge kod tonge;Owang’o geche lweny* gi mach.
10 Owacho kama: “Bed mos kendo ng’e ni an e Nyasaye.
Ogendni biro miya duong’;+Piny duto biro miya duong’.”+
11 Jehova Nyasach oganda lweny ni kodwa;+Nyasach Jakobo e kar bwokwa.+ (Sela)
