Zaburi 64:1-10
-
Arita kuom jomonj mopondo
-
“Nyasaye biro chielogi gi asere” (7)
-
Ne jatend wer. Wend Daudi.
64 Yaye Nyasaye, winja sa ma aywakni.+
Rit ngimana nikech jasigu bwoga.
2 Rita kuom gik ma joricho chano timona,+Kendo kuom oganda mar joricho.
3 Gipiago lewgi ka ligangla,Kendo gibayo weche mager mana ka aserni.
4 Gibayo jo ma onge ketho ka gin ka ma gipondoe;Gichielogi apoya gi wang’-teko.
5 Giolore mondo gitim richo,Gichano kaka digichik obadhogi.
Giwacho niya: “Ng’ano ma biro nenogi?”+
6 Gimanyo yore manyien mag timo richo,Gichano timbegi maricho gi rieko ma ling’ling;+
Gik ma giparo e chunygi lich.
7 To Nyasaye biro chielogi gi asere;+Ginipo ka asere ochuoyogi.
8 Weche ma giwacho giwegi e ma nomi gipodh;+Ji duto monenogi biro kino wigi ka giwuoro.
9 Ji duto biro bedo maluor,Gibiro hulo tije Nyasaye,Kendo gibiro paro matut kuom gik mosetimo.+
10 Ng’at makare nobed moil kuom Jehova kendo nopond ire;+Jo matir duto nobed mamor.
