Hulubaton 24:1-34
24 Indi ka mahisa sa malaut nga mga tawo,Kag indi ka maghandum nga mag-upod sa ila,+
2 Kay ang pagpamintas amo lamang ang ginahunahuna nila,Kag ang kalainan amo lamang ang ginahambal nila.
3 Paagi sa kaalam ginapatindog ang balay,*+Kag paagi sa paghangop ginapabakod ini.
4 Paagi sa ihibalo ang mga hulot sini ginapunoSang tanan nga sahi sang bilidhon kag matahom nga mga butang.+
5 Ang maalamon nga tawo gamhanan,+Kag paagi sa ihibalo ginapabakod sang tawo ang iya gahom.
6 Paagi sa malantipon nga giya* magpakig-away ka,+Paagi sa madamo nga manuglaygay may kadalag-an.*+
7 Para sa buangbuang indi matigayon ang matuod nga kaalam;+Wala sia sing inughambal sa gawang sang siudad.
8 Ang tawo nga nagapadihot sing malautKilalahon nga manugpadihot sing kalautan.+
9 Ang binuang nga mga padihot* sala,Kag ginakangil-aran sang mga tawo ang nagapangyaguta.+
10 Kon maluya ang imo buot sa tion sang kalisdanan,*Magaluya man ang imo kusog.
11 Luwasa ang mga tawo nga ginadala sa kamatayon,Kag ilikaw ang mga tawo sa bibi sang kamatayon.+
12 Kon magsiling ka, “Apang wala kami makahibalo sini,”Indi bala ini mahibaluan sang Isa nga nagausisa sang tagipusuon?*+
Huo, mahibaluan ini sang Isa nga nagatan-aw sa imo*Kag balusan niya ang kada isa suno sa iya ginahimo.+
13 Anak ko, magkaon ka sing dugos, kay maayo ini;Ang dugos matam-is.
14 Subong man, dapat mo mahibaluan nga ang kaalam maayo para sa imo.*+
Kon matigayon mo ini, mangin maayo ang imo palaabutonKag indi mapaslawan ang imo paglaum.+
15 Indi ka mangin kaangay sang malauton nga tawo nga nagatiid sa pagsalakay sa balay sang matarong;Indi paggub-a ang iya palahuwayan.
16 Kay bisan pa mapukan sing makapito ang matarong magabangon sia gihapon,+Apang ang malauton masandad paagi sa kalamidad.+
17 Indi ka magkasadya kon mapukan ang imo kaaway,Kag indi magkalipay ang imo tagipusuon kon masandad sia;+
18 Kay makita ini ni Jehova kag indi sia mahamuot,Kag madula ang Iya kaakig sa imo kaaway.+
19 Indi ka maakig* bangod sa mga malaut nga tawo;Indi ka mahisa sa mga malauton,
20 Kay ang malaut nga tawo wala sing palaabuton;+Ang suga sang malauton mapalong.+
21 Anak ko, magkahadlok ka kay Jehova kag sa hari.+
Kag indi ka magpakig-upod sa mga rebelde,*+
22 Kay ang ila kapahamakan hinali nga magaabot.+
Sin-o ang makahibalo kon ano nga kalaglagan ang himuon nila* sa ila?+
23 Ini nga mga pinamulong para man sa maalamon:
Indi maayo nga may pinilian sa paghukom.+
24 Ang tawo nga nagasiling sa malauton, “Matarong ka,”+Sumpaon sang mga tawo kag pakamalauton sang mga pungsod.
25 Apang ang mga nagasabdong sa iya magauswag;+Matigayon nila ang maayo nga mga butang subong pagpakamaayo sa ila.+
26 Halukan sang mga tawo ang bibig sang isa nga nagasabat sing tampad.*+
27 Ihanda ang imo buluhaton sa gua, kag sa imo uma;Dayon ipatindog ang imo balay.*
28 Indi ka magsaksi batok sa imo isigkatawo sa wala sing kabangdanan.+
Indi paggamita ang imo bibig sa pagdaya sa iban.+
29 Indi ka magsiling: “Himuon ko sa iya ang ginhimo niya sa akon;Balusan ko sia sa iya ginhimo.”*+
30 Naglabay ako sa uma sang matamad nga tawo,+Sa ulubasan sang tawo nga kulang sa maayo nga paghangop.*
31 Nakita ko nga puro hilamon ang nagatubo sa sini;Ang duta puno sang tunukon nga mga kahoykahoy,Kag guba ang pader sini.+
32 Ginbinagbinag ko sing maayo ang akon nakita;Kag amo ini ang akon natun-an:*
33 Diutay nga pagpatulogtulog, diutay nga pagpatuyotuyo,Diutay nga pagkursimano agod magpahuwayhuway,
34 Ang imo kaimulon hinali nga magaabot sa imo kaangay sang tulisan,Kag ang imo kinawad-on kaangay sang armado nga tawo.+
Footnote
^ Ukon “panimalay.”
^ Ukon “sa maalamon nga panuytoy.”
^ Ukon “kaluwasan.”
^ Ukon “Ang padihot sang buangbuang.”
^ Ukon “sa tion sang kabudlayan.”
^ Ukon “mga motibo?”
^ Ukon “imo kalag.”
^ Ukon “matam-is sa imo kalag.”
^ Ukon “manginit.”
^ Ukon “mga luyag sang pagbag-o.”
^ Si Jehova kag ang hari.
^ Ukon mahimo, “Ang pagsabat sing prangka kaangay sang paghalok.”
^ Ukon “panimalay.”
^ Ukon “Balusan ko sia.”
^ Sa literal, “kulang sing tagipusuon.”
^ Sa literal, “Kag ginbaton ko ang disiplina:”
