Hulubaton 16:1-33
16 Ang tagipusuon sang tawo ang nagahimo sing plano,*Apang ang iya sabat* nagahalin kay Jehova.+
2 Para sa tawo husto* ang tanan niya nga dalanon,+Apang ginausisa ni Jehova ang iya mga motibo.*+
3 Itugyan kay Jehova ang bisan ano nga imo ginahimo,*+Kag mangin madinalag-on ang imo mga plano.
4 Ginhimo ni Jehova ang tanan nga butang para matuman ang iya katuyuan,Bisan ang malauton para sa adlaw sang kalaglagan.+
5 Ginakangil-aran ni Jehova ang bisan sin-o nga bugalon sing tagipusuon.+
Pat-od gid* nga indi sia makalikaw sa silot.
6 Paagi sa mainunungon nga gugma kag katutom, ang sala ginapatawad,+Kag paagi sa kahadlok kay Jehova ang tawo nagalikaw sa malain.+
7 Kon mahamuot si Jehova sa mga dalanon sang isa ka tawo,Ginahimo Niya nga bisan ang mga kaaway sina nga tawo magpakighidait sa iya.+
8 Mas maayo ang diutay nga may katarungan+Sangsa daku nga kita nga wala sing hustisya.+
9 Ang tawo mahimo magplano sa iya tagipusuon sang iya dalanon,Apang si Jehova ang nagatuytoy sang iya mga tikang.+
10 Ang desisyon sang Dios dapat yara sa bibig sang hari;+Indi sia dapat magluib sa hustisya.+
11 Ang wala sing daya nga mga talaksan kag mga timbangan halin kay Jehova;Sia ang naghimo sang tanan nga pamug-at nga nasulod sa puyopuyo.+
12 Ginakangil-aran sang mga hari ang paghimo sing kalautan,+Kay ang trono magalig-on paagi sa pagkamatarong.+
13 Ginakahamut-an sang mga hari ang paghambal sing pagkamatarong.
Ginahigugma nila ang nagahambal sing bunayag.+
14 Ang kaakig sang hari kaangay sang mensahero nga nagadala sing kamatayon,+Apang ginapatahaw* ini sang maalamon nga tawo.+
15 Sa kahamuot sang hari may kabuhi;Ang iya kaayo kaangay sang ulan sa tigpamulak.+
16 Mas maayo ang pagtigayon sing kaalam sangsa bulawan!+
Ang pagtigayon sing paghangop dapat pilion sangsa pilak.+
17 Ang tawo nga nagakabuhi sing matarong nagalikaw sa malain.
Ang nagabantay sang iya dalanon nagaamlig sang iya kabuhi.*+
18 Ang bugal nagauna sa pagkapukan,Kag ang matinaastaason nga espiritu sa pagkasandad.+
19 Mas maayo nga magpaubos* upod sa mga mahagop+Sangsa magkuha sing parte sa inagaw upod sa mga matinaastaason.
20 Ang tawo nga nagapakita sing paghangop sa isa ka butang, mangin madinalag-on,*Kag malipayon ang nagasalig kay Jehova.
21 Ang tawo nga may maalamon nga tagipusuon tawgon nga mahinangpanon,+Kag ang tawo nga maayo maghambal* makahalaylo.+
22 Ang paghangop tuburan sang kabuhi para sa tawo nga may yara sini,Apang ang mga buangbuang ginadisiplina sang ila mismo kabuangan.
23 Ang tagipusuon sang maalamon nga tawo amo ang magapahambal sa iya nga may paghangop+Kag bangod sini makabuluyok ang iya ginahambal.
24 Ang makapalipay nga mga pulong kaangay sang dugos;Matam-is ini sa kalag* kag makapaayo sa mga tul-an.+
25 May dalanon nga daw husto sa pagtamod sang tawo,Apang ang padulungan gali sini kamatayon.+
26 Ang gana sa pagkaon* sang manugpangabudlay nagahimo sa iya nga maghimakas gidKay ginatulod sia sang iya kagutom.*+
27 Ang wala sing pulos nga tawo nagaplano sing malain;+Ang iya ginahambal kaangay sang makapalaso nga kalayo.+
28 Ang tawo nga nagapanggamo* nagatuga sing pagbinaisay,+Kag ang mapasipalahon nagapabulag sang suod nga mga mag-abyan.+
29 Ginahaylo sang mapintas nga tawo ang iya isigkatawoKag ginatuytuyan sia sa sala nga dalanon.
30 Ginapisok niya ang iya mata kon may malain sia nga plano.
Ginakagat niya ang iya mga bibig kon maghimo sia sing kalautan.
31 Ang ubanon nga ulo isa ka korona sang katahom*+Kon yara ini sa dalanon sang pagkamatarong.+
32 Ang tawo nga indi dali maakig+ mas maayo sangsa makusog nga tawo,Kag ang nagapugong sang iya kaakig* mas maayo sangsa tawo nga nakasakop sang isa ka siudad.+
33 Ang ginapagabutgabot ginabutang sa sabak,*+Apang ang tagsa ka desisyon paagi sa sini nagahalin kay Jehova.+
Footnote
^ Ukon “ang husto nga sabat.” Sa literal, “ang sabat sang dila.”
^ Sa literal, “Ang mga kahimusan sang tagipusuon iya sang tawo.”
^ Sa literal, “putli.”
^ Sa literal, “espiritu.”
^ Sa literal, “Ipaligid kay Jehova ang imo mga hilikuton.”
^ Sa literal, “Kamot sa kamot.”
^ Ukon “ginalikawan.”
^ Ukon “kalag.”
^ Sa literal, “kubos sing espiritu.”
^ Sa literal, “maayo.”
^ Ukon “Kag makagalanyat maghambal.” Sa literal, “Kag matam-is ang bibig.”
^ Ukon “Ang kalag.”
^ Sa literal, “baba.”
^ Ukon “manugpahito.”
^ Ukon “himaya.”
^ Sa literal, “nagagahom sa iya espiritu.”
^ Sa literal, ang “sabak” nagapatuhoy sa bahin sang panapton nga nagatabon sa mga batiis kon nagapungko ang tawo.
