Seken Samuel 23:1-39

  • Ol laswan tok blong Deved (1-7)

  • Ol gudfala samting we ol strong man blong faet blong Deved oli mekem (8-39)

23  Hemia nao ol laswan tok blong Deved:+ “Tok blong Deved we i boe blong Jese,+Mo tok blong man we God i leftemap hem,+Man we God blong Jekob i makemaot hem,+Gudfala man blong singsing long ol singsing+ blong Isrel.   Spirit blong Jehova i yusum mi blong toktok,+Tok blong hem i stap long tang blong mi.+   God blong Isrel i toktok,Bigfala ston blong Isrel+ i talem long mi se: ‘Taem man we i rulum ol man i gat stret fasin,+Mo i fraet long God taem i rul,+   Hemia i olsem laet blong san we i saen long moning,+Wan moning we i no gat klaod. Hemia i olsem ples we i klia afta long ren,Mo i mekem gras i gru long graon.’+   Haos blong mi i olsem nao long fes blong God, From we hem i mekem wan kontrak wetem mi we i blong olwe,+Hem i mekem gud plan blong hem mo i lukaot gud long hem. Hemia i min se bambae hem i sevem mi mo i mekem mi mi glad,Taswe bambae hem i mekem haos blong mi i gru.+   Be ol man we oli gud blong nating nomo, bambae oli sakemaot olgeta+ olsem ol tri we oli gat nil,From we man i no save holem olgeta.   Taem wan man i tajem olgeta,Hem i mas yusum aean mo wan spia,Mo i mas bonem olgeta fulwan long faea, long ples blong olgeta.”  Nem blong ol strong man blong faet blong Deved+ i olsem. I gat Josebasebet, we i wan laen blong Takemon. Hem i hed long tu narafala man mo trifala oli ol strong man blong faet.+ Hem i leftemap spia blong hem mo i kilim i ded 800 man wantaem nomo.  Afta long hem, i gat Eleasara+ we i boe blong Dodo,+ boe blong Ahohi. Hem i wan long ol trifala strong man blong faet blong Deved we oli stap wetem Deved, taem oli stap singaot ol man Filistia blong oli kam faet. Oli hivap long ples ya blong faet, be taem ol man Isrel oli tanemraon oli gobak, 10  hem i stanap i stap mo i kilim i ded ol man Filistia gogo han blong hem i kam taed mo i no moa save holem naef blong faet.+ Nao long dei ya Jehova i mekem we olgeta oli win bigwan,*+ mo ol man oli kambak long Eleasara blong go tekemaot olting blong ol man Filistia. 11  Afta long hem, i gat Samah we i boe blong Age blong Harara. Ol man Filistia oli kam wanples long Lehi, long wan pis graon we i fulap long ol bin ya lentil, mo ol man oli ronwe from ol man Filistia. 12  Be hem i stanap i stap long medel blong garen ya, i protektem garen ya, mo i gohed blong kilim i ded ol man Filistia. Nao Jehova i mekem we olgeta oli win bigwan.*+ 13  Nao long ol 30 man blong faet we oli hed, tri long olgeta oli godaon blong luk Deved long hol blong ston long Adulam,+ long taem blong havest. Long taem ya, wan grup blong ol soldia blong Filistia oli mekem kamp blong olgeta long Vali* Long Refaem.+ 14  Deved i stap long wan strong ples blong haed,+ mo wan grup blong ol soldia blong Filistia i stap long Betlehem. 15  Nao Deved i talemaot samting we hem i wantem tumas, i se: “!Mi wantem tumas blong dring wota we i stap long hol blong wota, klosap long get blong Betlehem!” 16  Nao ol trifala strong man blong faet ya, oli faet wetem ol man Filistia go kasem long kamp blong olgeta nao oli kasem wota we i stap klosap long get blong Betlehem, mo oli karem i kam long Deved. Be hem i no wantem dring wota ya mo i kafsaedem long graon blong givim i go long Jehova.+ 17  Hem i talem se: “!O Jehova, i no stret nating blong mi mekem olsem! Mi mi no save dring blad+ blong ol man ya we oli putum laef* blong olgeta long denja.” Ale hem i no wantem dring wota ya. Hemia nao samting we ol trifala strong man blong faet blong hem oli mekem. 18  Mo Abisae+ we i brata blong Joab, boe blong Jeruia,+ i hed long tu narafala man mo olgeta oli ol strong man blong faet. Hem i leftemap spia blong hem mo i kilim i ded 300 man, mo ol man oli save hem wetem trifala strong man ya blong faet.+ 19  Nating se long olgeta tri ya, nem blong hem i hae moa long nem blong tufala narawan mo hem i lidim tufala, be hem i no kasem mak blong trifala faswan man ya. 20  Mo Benaea+ we i boe blong Jehoeada i wan man we i no fraet. Hem i mekem plante samting long Kabjehel.+ Hem i kilim i ded tufala boe blong Ariel we i blong Moab, mo wan dei taem i gat sno, hem i go insaed long wan hol blong wota mo i kilim wan laeon i ded.+ 21  Mo tu, hem i kilim i ded wan man Ijip we i bigwan we i bigwan. Man Ijip ya i gat wan spia long han blong hem, be Benaea i holem wan wud mo i go faet agensem man ya mo i kilimaot spia ya long han blong hem, mo i kilim man ya i ded wetem spia ya. 22  Hemia nao ol samting we Benaea, boe blong Jehoeada i mekem, mo ol man oli save hem wetem ol trifala strong man ya blong faet. 23  Mo Deved i putumap hem blong i lidim ol bodigad blong hem. Be hem i no kasem mak blong ol trifala man ya, nating se nem blong hem i hae moa long nem blong ol teti man ya. 24  Asahel+ we i brata blong Joab i stap long grup blong ol teti man ya: Elanan we i boe blong Dodo blong Betlehem,+ 25  Samah mo Elika we tufala i blong Harod, 26  Helej+ we i wan man Paltaet, Ira+ we i boe blong Ikes blong Tekoa, 27  Abiesa+ blong Anatot,+ Mebunae blong Husa, 28  Jalmon we i wan laen blong Ahoha, Maharae+ blong Netofa, 29  Heleb we i boe blong Bahanaha blong Netofa, Itai we i boe blong Ribae blong Gibea long laen blong Benjamin, 30  Benaea+ blong Piraton, Hidae blong ol wadi* long Gahas,+ 31  Abialbon blong Betaraba, Asmavet blong Bahurim, 32  Eliabaha blong Sahalbim, ol boe blong Jasen, Jonatan, 33  Samah blong Harara, Ahiam we i boe blong Sarara blong Harara, 34  Elifelet we i boe blong Ahasbae blong Mahaka, Eliam we i boe blong Ahitofel+ blong Gilo, 35  Hesro blong Kamel, Paharae blong Arab, 36  Igal we i boe blong Natan blong Joba, Bani blong Gad, 37  Jelek blong Amon, Naharae blong Beherot, we i man blong karem ol tul blong faet blong Joab we i boe blong Jeruia, 38  Ira mo Gareb we tufala i man Itraet.+ 39  Mo Uria+ we i wan laen blong Het. Olgeta evriwan ya namba blong olgeta i kasem 37.

Ol futnot

NT: “sevem olgeta.”
NT: “sevem olgeta.”
NT: “Levelples Long Medel Blong Ol Hil.”
NT: “sol.”
Yu luk Diksonari.