Salmo 71:1-24
71 O Jehova, sa saimo ako nagpapaili.
Dai lugod ako mapasupog nuarin man.+
2 Sa saimong katanusan, iligtas mo ako asin isalbar.
Ikiling mo sa sako an saimong talinga* asin iligtas mo ako.+
3 Magin kang masarig na depensang gapo* para sa sakoNa pirmi kong malalaugan.
Ipagbuot mong iligtas ako,Huling ika an sakong dakulang gapo asin sakong masarig na depensa.*+
4 O sakuyang Diyos, iligtas mo ako sa kamot kan maraot,+Sa pagkakapugol kan nang-aaping bakong makatanusan na tawo.
5 Huli ta ika an sakong paglaom, O Soberanong Kagurangnan na Jehova;Nagtitiwala ako sa saimo* puon kan ako aki pa.+
6 Sa saimo ako nananarig puon kan mamundag ako;Ika an nagkua sa sako sa tulak kan ina ko.+
Pirmi akong nag-uumaw sa saimo.
7 Ako nagin siring sa sarong milagro sa paghiling kan dakul na tawo,Pero ika an masarig na pailihan ko.
8 An sakong nguso pano nin pag-umaw sa saimo;+Bilog na aldaw kong isinasaysay an kahanga-hangang kagayunan mo.
9 Dai mo ako isikwal sa panahon kan sakong paggurang;+Dai mo ako pagbayaan pag magluya na an sakong kusog.+
10 An sakuyang mga kalaban nagtataram nin laban sa sako,Asin idtong mga naghahanap sa sako tanganing kuanon an buhay* ko iribang nagkurumplutan,+
11 Na nagsasarabi: “Binayaan na siya nin Diyos.
Lapagon asin dakupon siya, ta mayo nang magliligtas sa saiya.”+
12 O Diyos, dai ka magdanay na harayo sa sako.
O sakuyang Diyos, maghidali kang tabangan ako.+
13 Lugod na an mga nakikipaglaban sa sakuya*Mapasupog asin mapara.+
Lugod na an mga naghihinguwang darahan ako nin kapahamakanMatahuban nin kawaran nin onra asin kasusupgan.+
14 Pero ako, padagos akong mahalat sa saimo;Dadagdagan ko pa an pag-umaw sa saimo.
15 Isasaysay kan sakong nguso an saimong katanusan,+Sa bilog na aldaw, isasaysay ko an mga ginigibo mong pagliligtas,Dawa pa dakulon an mga iyan para sakuyang masabutan.*+
16 Maabot ako asin sasabihon an manungod sa makapangyarihan mong mga ginibo,O Soberanong Kagurangnan na Jehova;Sasambiton ko an saimong katanusan, su saimo sana.
17 O Diyos, tinukduan mo ako puon kan ako aki pa,+Asin sagkod ngunyan padagos kong ipinapahayag an makangangalas mong mga ginibo.+
18 Dawa pa kun ako gumurang na asin ubanon na, O Diyos, dai mo ako pagbayaan.+
Tuguti akong sabihon sa sunod na henerasyon an manungod sa saimong kapangyarihan*Asin sa gabos na maarabot pa an manungod sa saimong kakusugan.+
19 An saimong katanusan, O Diyos, uminabot sagkod sa kaitaasan;+Naggibo ka nin makangangalas na mga bagay;O Diyos, siisay an arog mo?+
20 Dawa itinugot mong mag-agi ako nin dakul na kasakitan asin kapahamakan,+Pakusugon mo giraray ako;Ihawas mo ako sa mga kararuman* kan daga.+
21 Lugod na dugangan mo an sakong dignidadAsin proteksiyunan mo ako saka rangahon.
22 Dangan uumawon taka gamit an instrumentong de-kuwerdasHuli sa kaimbudan mo, O sakuyang Diyos.+
Makanta ako nin mga pag-umaw* sa saimo gamit an arpa,O Banal na Diyos* kan Israel.
23 Maugmang makurahaw an mga ngabil ko mantang nagkakanta nin mga pag-umaw sa saimo,+Huling ilinigtas mo an buhay* ko.+
24 Bilog na aldaw na mataram* an dila ko manungod sa saimong katanusan,+Huling an mga naghihinguwang laglagon ako mapapasupog asin mawawaran nin onra.+
Mga Nota
^ O “Dumuko ka asin dangugon mo ako.”
^ O “Magin kang gapong kuta.”
^ O “sakong kuta.”
^ O “Ika an sakuyang kumpiyansa.”
^ O “kalag.”
^ O “sa kalag ko.”
^ O “mabilang.”
^ Sa literal, “takyag.”
^ O “mga hararom na katubigan.”
^ O “Magibo ako nin musika para.”
^ O “Saro na Banal.”
^ O “tinubos mo an kalag.”
^ O “mahurop-hurop.”
