Salmo 41:1-13
Para sa direktor nin musika. Salmo ni David.
41 Maugma an siisay man na nagpapahiling nin konsiderasyon sa sarong hamak;+Ililigtas siya ni Jehova sa aldaw nin kapahamakan.
2 Babantayan siya ni Jehova asin papagdanayon siyang buhay.
Ipapahayag siyang maugma sa daga;+Dai mo siya nuarin man itatao sa kagustuhan* kan mga kalaban niya.+
3 Aalalayan siya ni Jehova pag siya nasa higdaan huli sa hilang;+Sa panahon kan saiyang paghilang, lubos mong sasalidahan an saiyang higdaan.
4 Huli ta nagsabi ako: “O Jehova, mahirak ka sa sako.+
Paumayan mo ako,*+ ta nagkasala ako sa saimo.”+
5 Alagad nagtataram nin maraot manungod sa sako an sakong mga kalaban:
“Nuarin baya siya magagadan asin nuarin mapapara an saiyang pangaran?”
6 Kun an saro sa sainda magdalaw sa sako, kaputikan an itinataram kan saiyang puso.
Nagtitipon siya nin nakakaraot na impormasyon manungod sa sakuya;Dangan minaluwas siya asin ipinapamareta iyan.
7 An gabos na nauungis sa sako naghihiringhingan sa kada saro;May maraot sindang pinapakana laban sa sako:
8 “Sarong malalang hilang an tuminama sa saiya;*Ngunyan na plastado* na siya, dai na siya makakabangon pa.”+
9 Dawa an dayupot kong amigo,* an saro na pinagtitiwalaan ko,+Na dating nagkakakan kan sakuyang tinapay, tuminumang sa sako.*+
10 Alagad ika, O Jehova, kahirakan mo ako asin ibangon,Tanganing mapanimbag ko sinda.
11 Maaaraman ko paagi kaini kun baga nauugma ka sa sako:
Pag an sakong mga kalaban dai makakurahaw huling dai sinda nanggana sa sako.+
12 Pero ako, tinatabangan mo ako huli sa integridad ko;+Pápagdanayon mo ako sa saimong atubangan sagkod lamang.+
13 Pag-umawon lugod si Jehova, an Diyos kan Israel,Sa bilog na panahon na daing kasagkudan.*+
Amen asin Amen.
