Salmo 48:1-14
Sarong kanta. Salmo kan mga aki ni Kora.+
48 Si Jehova nangungurog asin pinakamaninigong umawonSa siyudad kan satuyang Diyos, sa saiyang banal na bukid.
2 Magayon ini sa halangkaw kaining kinamumugtakan, asin iyo ini an kaugmahan kan bilog na daga,+Ining Bukid nin Sion na nasa harayong norte,An siyudad kan Pinakanangungurog na Hadi.+
3 Paagi sa may matibay na depensang mga tore kaiyan,Ipinamidbid nin Diyos na siya sarong ligtas na pailihan.*+
4 Huli ta uya! nagtiripon na* an mga hadi;Iriba sindang nag-arabante.
5 Kan mahiling ninda ini, napangalas sinda.
Nataranta sinda asin nagdurulag huli sa grabeng takot.
6 Nagtarakig sinda duman,Grabeng pagsakit na siring sa babaying nangangaki.
7 Pigrarapak mo an mga barko nin Tarsis paagi sa duros hali sa sirangan.
8 Su nadangog mi, nahiling na niyamo ngunyanSa siyudad ni Jehova na pamayo nin mga hukbo, sa siyudad kan samuyang Diyos.
Marigon ining eestablisaron nin Diyos sagkod lamang.+ (Selah)
9 Hinuhurop-hurop mi an saimong maimbod na pagkamuot, O Diyos,+Mantang nasa laog kan saimong templo.
10 Arog kan saimong pangaran, O Diyos, an saimong kaumawanNakakaabot sagkod sa mga puro kan daga.+
An saimong tuong kamot pano nin katanusan.+
11 Lugod na maggaya-gaya an Bukid nin Sion,+Lugod na mag-urugma an mga banwa* kan Juda, huli sa saimong mga ipinapautob na desisyon.+
12 Magmartsa kamo sa palibot kan Sion; libuton nindo iyan;Bilangon nindo an mga tore kaiyan.+
13 Isentro nindo an saindong puso sa mga masarig na depensa* kaini.+
Siyasaton nindo an may matibay na depensang mga tore kaini,Tanganing ikasaysay nindo sa mga maabot na henerasyon an manungod digdi.
14 Huli ta an Diyos na ini iyo an satuyang Diyos+ sagkod nuarin pa man.
Gigiyahan niya kita sagkod lamang.*+
