Salmo 101:1-8
Salmo ni David. Sarong kanta.
101 Makanta ako manungod sa maimbod na pagkamuot asin hustisya.
Sa saimo, O Jehova, makanta ako nin mga pag-umaw.*
2 Mahiro ako nin may pakamansay asin daing katuyawan.*
Nuarin ka madigdi sa sako?
Malakaw ako sa laog kan harong ko nin may integridad an puso.+
3 Dai ako mabugtak nin ano man na daing kamanungdanan* sa atubangan kan sakong mga mata.
Ikinakaungis ko an mga ginigibo kan mga minasuway sa kun ano an tama;+Dai ako makikilabot sa sainda.*
4 An sarong pusong biko harayo sa sako;Dai ko aakuon* an ano man na maraot.
5 An siisay man na nagpapakaraot sa saiyang kapwa nin pasekreto,+Sakuyang papasilensiyuhon.*
An siisay man na mapalangkaw an mga mata asin arogante an puso,Dai ko kukunsintihon.
6 Mahiling ako sa mga maimbod sa daga,Tanganing makaistar sinda sa kaibanan ko.
An naglalakaw na daing katuyawan* maglilingkod sa sako.
7 Mayong mapandayang tawo na maistar sa harong ko,Asin mayong putikon na matindog sa atubangan ko.*
8 Kada aga, papasilensiyuhon* ko an gabos na maraot sa daga,Tanganing mapuho an gabos na paragibo nin maraot sa siyudad ni Jehova.+
