Salmo 90:1-17
Pamibi ni Moises, an lalaking lingkod kan tunay na Diyos.+
90 O Jehova, ika an samuyang nagin irukan*+ sa gabos na henerasyon.
2 Bago pa naimundag an kabukidanO bago mo pa palatawon* an daga asin an mabungang daga,+Puon sa panahon na daing katapusan sagkod sa panahon na daing katapusan,* ika an Diyos.+
3 Pinababalik mo sa alpog* an tawong mortal;Sinasabi mo: “Balik kamo sa alpog, kamong mga aki nin tawo.”+
4 Huli ta sa paghiling mo, an sangribong taon garo sana su aldaw kasuudma na nag-agi,+
Garo sana sarong pagbabantay sa banggi.*
5 Pinapara mo sinda;+ nagigin sindang siring sana sa pagturog;Pagkaaga, garo sinda nagtuturubong mga duot.*+
6 Pag aga, namumurak iyan asin nagsusupang,Pero pagkabanggi, naluluyos iyan asin naaalang.+
7 Huli ta inuubos kami kan saimong kaanggutan*+Asin pigtatarakigan kami huli kan saimong grabeng pagkaanggot.
8 Ibinugtak mo sa atubangan mo* an samong mga pagkakasala;+Nahayag huli sa liwanag kan lalawgon* mo an samong mga sekreto.+
9 Pahalipot nin pahalipot an mga aldaw* mi dahil sa saimong kabangisan;Asin natatapos an mga taon mi nin siring sa sarong hinghing.*
10 An lawig kan buhay mi 70 taon,O 80+ kun an saro may pambihirang kusog.*
Alagad pano iyan nin kasakitan asin kamunduan;Madali sana iyan na minaagi, tapos wara na kami.+
11 Siisay an makakasabot sa puwersa kan kaanggutan mo?
An kabangisan mo kasingdakula kan pagkatakot na maninigong ipahiling sa saimo.+
12 Tukduan mo kami kun paano bibilangon an mga aldaw niyamo+Tanganing magkaigwa kami nin madunong na puso.
13 Magbalik ka, O Jehova!+ Sagkod nuarin ini magpapadagos?+
Mahirak ka sa saimong mga lingkod.+
14 Basugon mo kami kan saimong maimbod na pagkamuot+ pagkaaga,Tanganing makakurahaw kami nin maugma asin makapaggaya-gaya+ sa gabos niyamong aldaw.
15 Paugmahon mo kami nin kasinglawig kan mga aldaw na kami saimong pinasakitan,+
Kasinglawig kan mga taon na nag-agi kami nin kapahamakan.+
16 Lugod na mahiling kan saimong mga lingkod an ginigibo mo,Asin lugod na mahiling kan saindang mga aki an kahanga-hangang kagayunan mo.+
17 Lugod na mapasamuya an pag-uyon ni Jehova na samuyang Diyos;Lugod na papangyarihon mong magin mapanggana* an gibo kan samong mga kamot.
Iyo, papangyarihon mong magin mapanggana* an gibo kan samong mga kamot.+
Mga Nota
^ O posibleng “pailihan.”
^ O “iluwas na may kulog nin pangangaki.”
^ O “Puon sa panahon na daing sagkod sundo sa panahon na daing sagkod.”
^ O “kabo-kabo.”
^ Minalataw na an kada pagbabantay sa banggi kinukubrehan an 1⁄3 kan banggi o mga apat na oras an lawig.
^ O “awot.”
^ O “dagit.”
^ O “pandok.”
^ O “Aram mo.”
^ O “an buhay.”
^ O “sarong hararom na paghangos.”
^ O “kakusugan.”
^ O “establisaron mo nin marigon.”
^ O “establisaron mo nin marigon.”
