Salmo 122:1-9
Kanta Para sa mga Pagtukad. Salmo ni David.
122 Nag-ugma ako kan sabihon ninda sa sakuya:
“Magduruman kita sa harong ni Jehova.”+
2 Asin ngunyan, an mga bitis mi nakatindogSa laog kan saimong mga trangkahan, O Jerusalem.+
3 Itinugdok an Jerusalem bilang sarong siyudadNa pinagtaraid-taid tanganing magin saro.+
4 Nagturukad diyan an mga tribo,An mga tribo ni Jah,*Sigun sa pagirumdom sa Israel,Tanganing magpasalamat sa pangaran ni Jehova.+
5 Huli ta ibinugtak duman an mga trono sa paghukom,+An mga trono kan dinastiya* ni David.+
6 Mag-arang kamo nin katuninungan para sa Jerusalem.+
An mga namumuot sa saimo, O siyudad, magigin tiwasay.
7 Lugod na magpadagos an katuninungan sa laog kan saimong mga masarig na depensa,*An katiwasayan sa laog kan saimong mga tore na may matibay na depensa.
8 Alang-alang sa sakong mga tugang asin mga kairiba masabi ako:
“Magkaigwa lugod nin katuninungan diyan sa laog mo.”
9 Alang-alang sa harong ni Jehova na satuyang Diyos,+Hahagadon ko an para sa ikakarahay mo.
