Salmo 79:1-13
Salmo ni Asaf.+
79 O Diyos, sinalakay kan mga nasyon an saimong mana;+Rinamugan ninda an saimong banal na templo;+Ginibo ninda an Jerusalem na magin sarong tambak na kagabaan.+
2 An mga bangkay kan saimong mga lingkod ibinahog ninda sa mga gamgam sa kalangitan,Asin an laman kan mga maimbod sa saimo ibinahog ninda sa mga layas na hayop sa daga.+
3 Ibinubo ninda sa bilog na Jerusalem nin siring sa tubig an dugo ninda,Asin mayo ni saro na natada na malubong sa sainda.+
4 Pig-uulog-ulog kami kan mga pagtaraid mi;+Pigtutuya-tuya asin pigkakantiyawan kami kan mga nasa palibot mi.
5 O Jehova, sagkod nuarin ka maaanggot na marhay? Sagkod lamang?+
Sagkod nuarin maglalaad nin siring sa kalayo an saimong kaanggutan?+
6 Iula mo an saimong grabeng kaanggutan sa mga nasyon na dai nakakamidbid sa saimoPati sa mga kahadian na dai nag-aapod sa pangaran mo.+
7 Huli ta hinalon ninda an JacobAsin ginibong tiwangwang an saiyang dagang tinubuan.+
8 Dai mo kami pagpanimbagon sa mga sála kan samong mga apuon.+
Tulos mo kaming kahirakan,+Huling masakiton na an samong kamugtakan.
9 Tabangan mo kami, O Diyos nin samong kaligtasan,+Alang-alang sa mamuraway mong pangaran;Iligtas mo kami asin patawadon sa* samong mga kasalan alang-alang sa saimong pangaran.+
10 Taano ta masarabi an mga nasyon: “Hain man an saindang Diyos?”+
Mantang nakamasid kami, lugod na maisihan kan mga nasyonNa ibinalos na an pinabulos na dugo kan saimong mga lingkod.+
11 Lugod na madangog mo an agrangay kan preso.+
Gamita an dakula mong kapangyarihan* tanganing iligtas* an mga nasentensiyahan nin kagadanan.*+
12 Baluson mo nin pitong doble an mga pagtaraid mi+Huli sa ginibo nindang mga panunuya sa saimo, O Jehova.+
13 Dangan, kami na saimong banwaan asin aripumpon sa saimong pasabsaban,+Magpapasalamat sa saimo sagkod lamang;Asin ipapahayag mi an saimong kaumawan sa gabos na henerasyon.+
