Salmo 137:1-9
137 Sa may tampi kan mga salog nin Babilonya,+ duman kami nagturukaw.
Nagtarangis kami kan samuyang magirumduman an Sion.+
2 Sa mga puon nin alamo* na nasa tahaw niya,*Isinabit mi an samuyang mga arpa.+
3 Huli ta duman su mga nambihag sa samo naghahagad sa samuya nin kanta,+Su mga nagtutuya-tuya sa samo gustong maglibang:
“Kantahon nindo sa samo an saro sa mga kanta nin Sion.”
4 Paano mi magigibong kantahon an kanta ki JehovaSa daga kan ibang nasyon?
5 Kun malingawan taka, O Jerusalem,Magin malilingawon* na man lugod an tuo kong kamot.+
6 Lugod na an sakong dila dumukot sa ngaragngag koKun dai taka gigirumdumon,Kun an Jerusalem dai ko ibibilangNa nakakalabi sa gabos kong dahilan nin kaugmahan.+
7 Girumduma, O Jehova,An sinabi kan mga Edomita kan aldaw na bumagsak an Jerusalem:
“Rumpagon iyan! Rumpagon iyan sagkod sa mga pundasyon kaiyan!”+
8 O aking babayi nin Babilonya, na madali nang laglagon,+Magigin maugma an saro na mabalos sa saimoKan arog kan pagtratong ipinanamit mo sa samo.+
9 Magigin maugma an saro na maagaw kan mga aki moAsin mapusak sa sainda sa mga gapo.+
