Salmo 19:1-14
Para sa direktor nin musika. Salmo ni David.
19 An kamurawayan nin Diyos ihinahayag kan kalangitan;+An gibo kan saiyang mga kamot ibinabalangibog kan kahiwasan.*+
2 Kada aldaw nagbubulwak an tataramon ninda,Asin kada banggi nagpapahiling sinda nin kaaraman manungod sa saiya.
3 Mayo nin tinataram, asin mayo nin mga sinasabi;Dai nadadangog an saindang boses.
4 Alagad nakalakop sa bilog na daga an patotoo* ninda,Asin nakaabot sa mga puro kan iniistaran na daga* an mensahe ninda.+
Sa kalangitan, nagpatindog siya nin tolda para sa aldaw;
5 Arog iyan sa sarong nobyong paluwas sa kuwarto nin bagong kasal;Nag-uugma iyan siring sa sarong makusog na lalaking nagdadalagan sa saiyang inaagihan.
6 Minatunga iyan sa sarong puro kan kalangitan,Asin minalibot iyan sagkod sa ibong na puro;+Asin mayo nin natatago sa init kaiyan.
7 An katugunan ni Jehova perpekto,+ nakakapabalik nin kusog.*+
An pagirumdom ni Jehova mapagtitiwalaan,+ nagpapadunong sa daing eksperyensiya.+
8 An mga pagbuot hali ki Jehova matanos, nakakapaugma sa puso;+An tugon ni Jehova malinig, nagpapakinang sa mga mata.+
9 An pagkatakot ki Jehova+ dalisay, nagdadanay sagkod lamang.
An mga ipinapautob na desisyon ni Jehova tunay, gabos iyan matanos.+
10 Mas mamawuton pa an mga iyan kisa sa bulawan,Kisa sa dakul na purong* bulawan,+Asin mas mahamis pa kisa sa tangguli,*+ sa tangguling minaturo hali sa mga harong nin putyukan.
11 Paagi sa mga iyan, napapatanidan an saimong lingkod;+Sa pag-utob sa mga iyan, igwang dakulang balos.+
12 Siisay an makakarisa kan sadiri niyang mga nagigibong sala?+
Ipahayag mo akong daing sála sa mga kasalan na dai ko aram na nagibo ko palan.
13 Asin pugulan mo an saimong lingkod na makagibo nin kapangahasan;+Dai mo itugot na madaog ako kan mga iyan.+
Sa siring, magigin akong daing katuyawan,*+Asin magdadanay akong daing sála sa magabat na mga kasalan.*
14 Lugod na an mga sinasabi kan sakong nguso asin an hinuhurop-hurop kan sakong pusoMakapaugma sa saimo,+ O Jehova, na sakuyang Gapo+ asin sakuyang Paratubos.+
