Salmo 118:1-29
118 Magpasalamat kamo ki Jehova, huling marahay siya;+Nagdadanay sagkod lamang an maimbod na pagkamuot niya.
2 Sabihon ngunyan kan Israel:
“Nagdadanay sagkod lamang an maimbod na pagkamuot niya.”
3 Sabihon ngunyan kan mga gikan* ni Aaron:
“Nagdadanay sagkod lamang an maimbod na pagkamuot niya.”
4 Sabihon ngunyan kan mga may pagkatakot ki Jehova:
“Nagdadanay sagkod lamang an maimbod na pagkamuot niya.”
5 Nag-apod ako ki Jah* kan nasa kasakitan ako;Nagsimbag si Jah asin dinara niya ako sa lugar na harayo sa peligro.*+
6 Nasa kampi ko si Jehova; dai ako matatakot.+
Ano an magigibo sa sako nin tawo?+
7 Nasa kampi ko si Jehova bilang sakong paratabang;*+Hihilingon kong may dakulang kaugmahan an pagbagsak kan mga nauungis sa sako.+
8 Mas marahay na magpaili ki JehovaKisa magtiwala sa mga tawo.+
9 Mas marahay na magpaili ki JehovaKisa magtiwala sa mga pamayo.*+
10 Pinalibutan ako kan gabos na nasyon,Pero sa ngaran ni Jehova,Napaatras ko sinda.+
11 Pinalibutan ninda ako, iyo, biyo ninda akong napalibutan,Pero sa ngaran ni Jehova,Napaatras ko sinda.
12 Pinalibutan ninda ako na garo mga putyukan,Alagad tulos sindang nagkaurubos siring sa matunok na mga tanom na natumtom sa kalayo.
Sa ngaran ni Jehova,Napaatras ko sinda.+
13 Tinuklang ako* nin makusog tanganing ako matumba,Pero tinabangan ako ni Jehova.
14 Si Jah an sakong sirungan asin sakong kusog,Asin siya an nagin sakuyang kaligtasan.+
15 An kurahaw nin kaugmahan asin kaligtasan*Nadadangog sa mga tolda kan mga matanos.
Ipinapahiling kan tuong kamot ni Jehova an kapangyarihan kaiyan.+
16 Itinataas mismo kan tuong kamot ni Jehova an sadiri kaiyan;Ipinapahiling kan tuong kamot ni Jehova an kapangyarihan kaiyan.+
17 Dai ako magagadan, dai, mabubuhay ako,Tanganing maipahayag ko an mga ginibo ni Jah.+
18 Dinisiplina ako nin todo ni Jah,+Pero dai niya ako itinao sa kagadanan.+
19 Buksan nindo para sa sako an mga trangkahan nin katanusan;+Malaog ako sa mga iyan asin uumawon ko si Jah.
20 Ini an trangkahan ni Jehova.
An mga matanos maralaog diyan.+
21 Uumawon taka, huling sinimbag mo ako+Asin ika an nagin kaligtasan ko.
22 An gapo na hinabuan kan mga paratugdokNagin mayor na gapong panganto.*+
23 Hali ini ki Jehova;+Makangangalas iyan sa satong mga mata.+
24 Ini an aldaw na itinalaga ni Jehova;Mag-uugma kita asin maggagaya-gaya diyan.
25 Jehova, iligtas mo tabi kami, nakikimahirak kami!
Jehova, tawan mo kami nin kapangganahan, tabi man!
26 Biniyayaan an saro na minaabot sa ngaran ni Jehova;+Binebendisyunan mi kamo hali sa harong ni Jehova.
27 Si Jehova an Diyos;Tinatawan niya kita nin liwanag.+
Mag-iba sa parada nin kapiyestahan na may kapot na mga sanga,+Sagkod na makaabot sa may harani kan mga sungay kan altar.+
28 Ika an sakuyang Diyos, asin uumawon taka;Sakuyang Diyos, papamurawayon taka.+
29 Magpasalamat kamo ki Jehova,+ huling marahay siya;Nagdadanay sagkod lamang an maimbod na pagkamuot niya.+
