Salmo 140:1-13
Para sa direktor nin musika. Salmo ni David.
140 Iligtas mo ako, O Jehova, laban sa mga maraot na tawo;Protektaran mo ako laban sa mga madahas na tawo,+
2 Idtong mga nagpapakana nin maraot sa saindang puso+Asin nagpupuon nin kariribukan sa bilog na aldaw.
3 Pinapatarom ninda an dila ninda nin siring kan sa halas;+Kamandag nin mga rimuranon* an yaon sa mga ngabil ninda.+ (Selah)
4 Protektaran mo ako, O Jehova, laban sa mga kamot kan maraot;+Ingatan mo ako laban sa mga madahas na tawo,Idtong mga nagpapakana na singkugon ako.
5 An mga mapalangkaw nagtáon* nin litag para sa sako;Gamit an mga lubid, naglatag sinda nin hikot sa may kataid kan dalan.+
Nagbugtak sinda nin mga siod para sa sako.+ (Selah)
6 Sinabi ko ki Jehova: “Ika an sakuyang Diyos.
Danguga tabi, O Jehova, an mga pakiulay ko nin paghagad nin tabang.”+
7 O Jehova na Soberanong Kagurangnan, an sakuyang makusog na Paraligtas,Pinoprotektaran mo an sakong payo sa aldaw nin ralaban.+
8 Dai mo itao, O Jehova, an mga pigmamawot kan mga maraot.
Dai mo pagpabayaan na magin mapanggana an saindang mga pakana, tanganing dai ninda ilangkaw an sadiri.+ (Selah)
9 Lugod na an mga payo kan mga nakapalibot sa sakoMatakluban kan karatan na itinaram kan saindang mga ngabil.+
10 Lugod na uranan sinda nin naglalaad na mga baga.+
Lugod na iitsa sinda sa kalayo,Sa hararom* na mga kalot,+ asin dai na nuarin man makabangon pa.
11 Lugod na an parapakaraot mawaran nin lugar sa daga.*+
Lugod na an karatan lapagon an mga madahas na tawo asin garadanon sinda.
12 Aram kong idedepensa ni Jehova an mga hamakAsin tatawan nin hustisya an mga dukha.+
13 An mga matanos siguradong magpapasalamat sa saimong pangaran;An mga matanos mag-iirok sa saimong atubangan.*+
