Salmo 91:1-16
91 An siisay man na nag-iirok sa sekretong lugar kan Kahuruhalangkawi+Makikidagos sa lindong kan Makakamhan sa Gabos.+
2 Sasabihon ko ki Jehova: “Ika an sakong pailihan asin an sakong masarig na depensa,*+An sakuyang Diyos na sakuyang pinagtitiwalaan.”+
3 Huli ta ililigtas ka niya laban sa litag nin paradakop nin gamgam,*Laban sa mapanglaglag na epidemya.
4 Paagi kan saiyang mga balukag tatahuban ka niya,*
Asin sa irarom kan saiyang mga pakpak mapaili ka.+
An saiyang kaimbudan+ magigin sarong dakulang kalasag+ asin sarong pader na nagpoprotektar.*
5 Dai ka matatakot sa mga kinakatakutan sa banggi,+Ni sa panang naglalayog pag aldaw,+
6 Ni sa epidemyang nagsusunod nin patago sa kadikluman,Ni sa kalaglagan na nandadanyar sa kaudtuhan.
7 Magkakaturumba an sangribo sa may kataid moAsin an sampulong ribo sa may tuo* mo,Pero dai iyan makakarani sa saimo.+
8 Mahiling lang diyan an saimong mga mataMantang namamasdan mo an pagpadusa* sa mga maraot.
9 Huling sinabi mo: “Si Jehova an sakong pailihan,”
Ginibo mo an Kahuruhalangkawi na magin saimong irukan;*+
10 Mayo nin kapahamakan na maabot sa saimo,+Asin mayo nin damat na marani sa tolda mo.
11 Huli ta isusugo niya an saiyang mga anghel+ sa saimo,Tanganing bantayan ka sain ka man magduman.+
12 Kakargahon ka ninda sa saindang mga kamot,+Tanganing dai tumama sa gapo an saimong bitis.+
13 Tutungtungan mo an durudakula nang leon asin an kobra;Titimak-timakan mo an makusog na leon* asin an dakulang halas.+
14 Nagsabi an Diyos: “Huling namumutan niya ako,* ililigtas ko siya.+
Poprotektaran ko siya huling aram* niya an sakuyang pangaran.+
15 Maapod siya sa sakuya, asin sisimbagon ko siya.+
Aantabayanan ko siya sa panahon nin kasakitan.+
Ililigtas ko siya asin papamurawayon.
16 Papaniguan ko siya nin halawig na buhay,+Asin papangyarihon kong mahiling niya an mga ginigibo kong pagliligtas.”*+
Mga Nota
^ O “sakong kuta.”
^ O “bayong.”
^ O “uulangon niya an mga marani sa saimo.”
^ O “sarong masarig na depensa; sarong kuta.”
^ O “tuong kamot.”
^ Sa literal, “pamamalos.”
^ O posibleng “kuta; pailihan.”
^ O “an may bunday nang leon.”
^ O “minimidbid.”
^ Sa literal, “Huling isinugpon niya an sadiri niya sa sako.”
^ O “an pagliligtas hali sa sako.”
