Salmo 75:1-10
-
An Diyos naghuhukom na may katanusan
-
Iinumon kan maraot an laog kan kopa ni Jehova (8)
-
Para sa direktor nin musika. Nasa tono kan “Dai Paglaglaga.” Salmo ni Asaf.+ Sarong kanta.
75 Nagpapasalamat kami sa saimo, O Diyos, nagpapasalamat kami sa saimo;An pangaran mo harani sa samo,+Asin ipinapahayag kan mga tawo an kahanga-hanga mong mga ginibo.
2 An sabi mo: “Pag ako nagtalaan nin panahon,May katanusan akong naghuhukom.
3 Kan magkataranyog* an daga asin an gabos na nag-iistar diyan,Ako an nagpasarig kan mga harigi kaiyan.” (Selah)
4 Sinabi ko sa mga mahambog, “Dai kamo maghambog,”
Asin sa mga maraot, “Dai nindo ipaghambog an saindong kusog.*
5 Dai nindo ipaghambog nin labi-labi an saindong kusog*Ni magtaram nin may kapalangkawan.
6 Huli ta an onra dai minaabotHali sa sirangan o sa sulnupan o sa timog.
7 Huli ta an Diyos Hukom.+
Ibinababa niya an sarong tawo asin ilinalangkaw an saro pa.+
8 Huli ta igwa nin kopa sa kamot ni Jehova;+An arak nagsasabo-sabo asin hinaluan tanganing magin mas maisog.
Siguradong ibububo niya iyan,Asin iirinumon iyan kan gabos na maraot sa daga, pati an mga tundag kaiyan.”+
9 Pero ako, ibabalangibog ko iyan nin daing sagkod;Makanta ako nin mga pag-umaw* sa Diyos ni Jacob.
10 Huli ta an sabi niya: “Hahalion ko an bilog na kusog* kan mga maraot,Pero madadagdagan an kusog* kan matanos.”
