Salmo 106:1-48
106 Umawon nindo si Jah!*
Magpasalamat kamo ki Jehova, huling marahay siya;+Nagdadanay sagkod lamang an maimbod na pagkamuot niya.+
2 Siisay an lubos na makakapagpahayag kan makapangyarihan na mga gibo ni JehovaO makakapagbalangibog kan gabos na kaumaw-umaw na ginibo niya?+
3 Maugma an mga nagpapahiling nin hustisya,Na pirming ginigibo kun ano an tama.+
4 Girumduma ako, O Jehova, pag nagpahiling ka nin pag-uyon* sa saimong banwaan.+
Atamana tabi ako paagi kan mga ginigibo mong pagliligtas,
5 Tanganing maeksperyensiyahan ko an karahayan na ipinapahiling mo sa saimong mga pinili,+Tanganing makapag-ugma ako kaiba kan saimong nasyon,Tanganing may pag-orgulyo takang maumaw* kaiba kan saimong mana.
6 Nagkasala kami arog kan mga apuon mi;+Nakagibo kami nin sala; guminibo kami nin maraot.+
7 Dai pinahalagahan kan mga apuon mi sa Ehipto an* makangangalas mong mga ginibo.
Dai ninda ginirumdom an saimong abundang maimbod na pagkamuot,Kundi nagrebelde sinda sa may dagat, sa tampi kan Dagat na Pula.+
8 Alagad ilinigtas niya sinda alang-alang sa saiyang pangaran,+Tanganing mahayag an saiyang kakusugan.*+
9 Sinaway niya an Dagat na Pula, asin namara iyan;Giniyahan niya sinda sa kairaruman kaiyan na garo naglalakaw sinda sa disyerto;*+
10 Ilinigtas niya sinda sa kamot kan saindang kaiwal+Asin inagaw niya sinda sa kamot kan kalaban.+
11 Tinahuban nin tubig an mga kalaban ninda;Mayo ni saro an nakaligtas* sa sainda.+
12 Dangan nagtubod sinda sa saiyang panuga;+Pinunan nindang magkanta nin pag-umaw sa saiya.+
13 Alagad nalingawan tulos ninda an saiyang ginibo;+Dai ninda hinalat an saiyang konseho.
14 Nagpadaog sinda sa saindang makasadiring mga pagmawot kan nasa kaawagan sinda;+Pinurbaran ninda an Diyos kan nasa disyerto sinda.+
15 Itinao niya sa sainda an saindang kahagadan,Pero pagkatapos, pinaabutan niya sinda nin hilang na biyong nagpaluya sa sainda* asin nagpaniwang.+
16 Nauri sinda ki Moises sa kampoAsin ki Aaron,+ an saro na banal ki Jehova.+
17 Dangan buminuka an daga asin hinalon si DatanAsin tinahuban idtong mga nagtiripon sa kaibanan ni Abiram.+
18 Sarong kalayo an nag-arab-adab sa tahaw kan saindang grupo;Tinumtom kan laad an mga maraot na tawo.+
19 Sa Horeb, naggibo sinda nin imahen nin ugbon na bakaAsin nagduko sinda sa sarong metal na estatuwa;*+
20 Irinibay ninda sa kamurawayan koAn ladawan nin sarong nagsasabsab na torong baka.+
21 Liningawan ninda an Diyos+ na saindang Paraligtas,Na guminibo nin pambihirang mga bagay sa Ehipto,+
22 Makangangalas na mga gibo sa daga ni Ham,+Kahanga-hangang* mga gibo sa Dagat na Pula.+
23 Ipagbubuot na niya kuta na puhuon sinda,Alagad si Moises na saiyang pinili nakimahirak sa saiya*Tanganing pugulan an mapanglaglag na kaanggutan niya.+
24 Dangan hinamak ninda an kawili-wiling daga;+Dai sinda nagtubod sa saiyang panuga.+
25 Sige nindang reklamo mantang nasa saindang mga tolda;+Dai sinda nagdangog sa boses ni Jehova.+
26 Kaya itinaas niya an saiyang kamot tanganing sumumpa manungod sa saindaNa papaturumbahon niya sinda sa kaawagan;+
27 Papaturumbahon niya an saindang mga gikan sa tahaw kan mga nasyon,Asin iwawarak niya sinda sa mga kadagaan.+
28 Dangan uminiba sinda sa pagsamba* ki Baal nin Peor,+Asin nagkarakan sinda nin mga atang na idinulot sa mga gadan.*
29 Pinaanggot ninda Siya paagi kan mga ginigibo ninda,+Asin sarong damat an uminabot sa tahaw ninda.+
30 Alagad kan tuminindog asin makilabot si Finehas,Napundo an damat.+
31 Asin ibinilang siya na matanos dahil diyanSa gabos na henerasyon sagkod lamang.+
32 Pinaanggot ninda Siya duman sa tubig kan Meriba,*Asin naparaot si Moises huli sa sainda.+
33 Pinapait ninda an saiyang espiritu,Asin nagtaram siya nin pabigla-bigla paagi kan saiyang mga ngabil.+
34 Dai ninda pinuho an mga banwaan,+Na kabaliktaran kan ipinagbuot ni Jehova sa sainda.+
35 Imbes, nakiiba-iba sinda sa mga nasyon+Asin inarog* an gibo-gibo kan mga ini.+
36 Padagos sindang naglingkod sa mga idolo kan mga ini,+Asin an mga iyan nagin siod sa sainda.+
37 Iinaatang ninda an mga aking lalaki nindaSaka an mga aking babayi ninda sa mga demonyo.+
38 Padagos sindang nagpabulos nin dugo nin mga inosente,+An dugo kan sadiri nindang mga aking lalaki saka babayiNa pig-atang ninda sa mga idolo kan Canaan;+Asin an daga naramugan nin paggadan.*
39 Nagin maati sinda dahil kan saindang mga gibo;Dai sinda nagin maimbod sa Diyos* dahil kan saindang mga ginibo.+
40 Kaya nag-arab-adab an kaanggutan ni Jehova laban sa banwaan niya,Asin ikinabaldi niya an saiyang mana.
41 Pauruutro niya sindang itinao sa mga nasyon+Tanganing mapamahalaan sinda kan mga nauungis sa sainda.+
42 Inapi sinda kan saindang mga kalaban,Asin napasairarom sinda sa saindang kapangyarihan.*
43 Dakul na beses niya sindang ilinigtas,+Pero nagrerebelde sinda asin dai nagsusunod,+Asin ipinapasupog sinda huli kan saindang pagkakasala.+
44 Alagad nahihiling niya an saindang kasakitan+Asin nadadangog an saindang paghagad nin tabang.+
45 Alang-alang sa sainda ginigirumdom niya an saiyang tipan,Asin nahihirak* siya huli kan saiyang dakulang* maimbod na pagkamuot.+
46 Pinangyayari niyang kahirakan sindaKan gabos na nambihag sa sainda.+
47 Iligtas mo kami, O Jehova na samuyang Diyos,+Asin tipunon mo kami hali sa mga nasyon+Tanganing makapagpasalamat kami sa banal na pangaran moAsin maggaya-gaya sa pag-umaw sa saimo.*+
48 Pag-umawon lugod si Jehova, an Diyos kan Israel,Sa bilog na panahon na daing kasagkudan.*+
Asin sabihon lugod kan bilog na banwaan, “Amen!”*
Umawon nindo si Jah!*
Mga Nota
^ O “Aleluya!” Sa Ingles, Hallelujah. An “Jah” pinahalipot na porma kan pangaran na Jehova.
^ O “marahay na buot.”
^ O “Tanganing maipaghambog taka.”
^ O “Dai nasabutan kan mga apuon mi sa Ehipto an kahulugan kan.”
^ O “kapangyarihan.”
^ O “kaawagan.”
^ O “natada.”
^ O “sa saindang kalag.”
^ O “minoldeng estatuwa.”
^ O “Nakakapahiro sa saro na magkaigwa nin pagkatakot na may hararom na paggalang na.”
^ Sa literal, “nagtindog sa guang sa atubangan niya.”
^ O “iinasosyar ninda an saindang sadiri.”
^ An buot sabihon, mga atang na idinulot magsalang sa mga gadan o sa daing buhay na mga diyos.
^ Nangangahulugan na “Pakikipag-iwal.”
^ O “nanudan.”
^ O “pagpabulos nin dugo.”
^ O “Nakakomiter sinda nin espirituwal na prostitusyon.”
^ Sa literal, “kamot.”
^ O “abundang.”
^ O “nagbabasol.”
^ O “sa saimong kaumawan.”
^ O “Puon sa panahon na daing sagkod sundo sa panahon na daing sagkod.”
^ O “Mangyari lugod!”
^ O “Aleluya!” Sa Ingles, Hallelujah. An “Jah” pinahalipot na porma kan pangaran na Jehova.
