Salmo 64:1-10
-
Proteksiyon laban sa mga pag-atakeng patago
-
“Papanaon sinda nin Diyos” (7)
-
Para sa direktor nin musika. Salmo ni David.
64 Danguga an boses ko, O Diyos, mantang nakikimahirak ako sa saimo.+
Protektaran mo an buhay ko sa nakakatakot na marhay na mga pagsalakay kan* kalaban.
2 Protektaran mo ako laban sa sekretong mga pakana kan mga maraot na tawo,+Laban sa grupo nin mga paragibo nin maraot.
3 Pinapatarom ninda nin siring sa espada an saindang dila;Iinaasentar ninda nin siring sa mga pana an saindang mariringis na tataramon,
4 Tanganing panaon hali sa saindang mga pinagtataguan an saro na daing sála;Pinapana ninda siya nin bigla asin daing pagkatakot.
5 Nangangapot sinda nin higot sa maraot nindang motibo;*Nag-uurulay-ulay sinda kun paano itatago an saindang mga silo.
An sabi ninda: “Siisay man an makakahiling kan mga iyan?”+
6 Naghahanap sinda nin mga bagong paagi nin paggibo nin maraot;Pasekreto sindang nagpaplano kan saindang tusong estratehiya;+Dai marurop an iniisip kan puso kan lambang saro sa sainda.
7 Alagad papanaon sinda nin Diyos;+Bigla sindang tatamaan nin pana.
8 An sainda mismong dila an magigin dahilan kan pagbagsak ninda;+An gabos na naghihiling mapiriling-piling kan payo ninda.
9 Dangan an gabos na tawo magkakatarakot,Asin ibabalangibog ninda an ginibo nin Diyos,Asin magkakaigwa sinda nin pakasabot sa mga ginibo niya.+
10 An matanos mag-uugma huli ki Jehova asin magpapaili sa saiya;+An gabos na may matanos na puso maggagaya-gayang marhay.*
