Salmo 113:1-9
113 Umawon nindo si Jah!*
Magtao kamong pag-umaw, kamong mga lingkod ni Jehova,Umawon an pangaran ni Jehova.
2 Lugod na pag-umawon an pangaran ni JehovaPuon ngunyan asin sagkod lamang.+
3 Puon sa pagsirang kan aldaw sagkod sa pagsulnop kaiyan,*Lugod na pag-umawon an pangaran ni Jehova.+
4 Mas urog na halangkaw si Jehova kisa sa gabos na nasyon;+Labaw sa kalangitan an saiyang kamurawayan.+
5 Siisay an arog ni Jehova na satuyang Diyos,+An saro na nag-iirok* sa kaitaasan?
6 Minaduko siya tanganing hilingon an langit asin daga,+
7 Na ibinabangon an hamak hali sa alpog.
Binubuhat niya an dukha hali sa tambakan nin abo*+
8 Tanganing patukawon siya kaiba kan mga respetadong tawo,Kaiba kan mga respetadong tawo kan saiyang banwaan.
9 Tinatawan niya nin harong an babaying baogBilang sarong maugmang ina na may mga aki.*+
Umawon nindo si Jah!*
Mga Nota
^ O “Aleluya!” Sa Ingles, Hallelujah. An “Jah” pinahalipot na porma kan pangaran na Jehova.
^ O “Puon sa sirangan sagkod sa sulnupan.”
^ O “nakatukaw sa trono.”
^ O posibleng “tambakan nin basura.”
^ Sa literal, “aking lalaki.”
^ O “Aleluya!” Sa Ingles, Hallelujah. An “Jah” pinahalipot na porma kan pangaran na Jehova.
