Salmo 110:1-7
Salmo ni David. Sarong kanta.
110 Sinabi ni Jehova sa sakuyang Kagurangnan:
“Tumukaw ka sa may tuo* ko+Sagkod na ibugtak ko an saimong mga kaiwal na magin tungtungan kan mga bitis mo.”+
2 Igagawgaw ni Jehova hali sa Sion an setro kan saimong kapangyarihan, na nagsasabi:
“Sige na, mandaog ka sa tahaw kan saimong mga kalaban.”+
3 Gikan sa buot na mapresentar kan saindang sadiri an saimong banwaan sa aldaw kan saimong hukbong militar.*
Sa kabanalan na may kahanga-hangang kagayunan, hali sa tulak* kan maagahon,Igwa kang grupo nin mga hoben na siring sa mga tagdo nin ambon.*
4 Suminumpa si Jehova, asin dai magbabago an saiyang isip:*
“Ika sarong saserdote sagkod lamang+Sa paaging kapareho kan pagkasaserdote ni Melkizedek!”+
5 Si Jehova matindog sa may tuo* mo;+Rurunuton niya an mga hadi sa aldaw kan saiyang kaanggutan.+
6 Magsasagibo siya nin paghukom laban sa* mga nasyon;+Papanuon niya nin mga bangkay an kadagaan.+
Rurunuton niya an lider* nin sarong mahiwason na kadagaan.*
7 Mainom siya* sa sapa na yaon sa may gilid kan dalan.
Kaya iiitaas niya an saiyang payo.
Mga Nota
^ O “tuong kamot.”
^ O “sa aldaw na tipunon mo an saimong hukbo.”
^ Sa literal, “matris.”
^ O “tûnog.”
^ O “asin dai siya magbabasol.”
^ O “tuong kamot.”
^ O “paghukom sa tahaw kan.”
^ Sa literal, “payo.”
^ O “lider kan bilog na daga.”
^ Nanunungod ini sa “sakuyang Kagurangnan” sa bersikulo 1.
