Salmo 95:1-11
95 Madya, magkurahaw kita nin may kagaya-gayahan ki Jehova!
Magkurahaw kita nin may labi-labing kaugmahan asin mag-urumaw sa satuyang Gapo nin kaligtasan.+
2 Dumulok kita sa saiyang presensiya* nin may pasasalamat;+Magkanta kita asin magkurahaw na may labi-labing kaugmahan asin mag-urumaw sa saiya.
3 Huli ta si Jehova sarong makapangyarihan na Diyos,Sarong makapangyarihan na Hadi na nakakalabi sa gabos na iba pang diyos.+
4 Nasa kamot niya an mga kararuman kan daga;An mga alituktok nin mga bukid sadiri niya.+
5 An dagat, na ginibo niya, sadiri niya,+Asin an mga kamot niya an nagporma kan marang daga.+
6 Madya, magsaramba kita asin magduruko;Lumuhod kita sa atubangan ni Jehova na satong Kaggibo.+
7 Huli ta siya an satuyang Diyos,Asin kita an banwaan sa saiyang pasabsaban,An mga karnero na nasa saiyang pangangataman.*+
Sa aldaw na ini, kun kamo nagdadangog sa boses niya,+
8 Dai nindo pagpatagason an saindong puso arog kan nangyari kaidto sa Meriba,*+Siring kan aldaw nin Masah* sa kaawagan,+
9 Kan purbaran ako kan mga apuon nindo;+Inangat ninda ako, dawa nahiling na ninda an sakong mga ginibo.+
10 Sa laog nin 40 taon ikinabaldi ko an henerasyon na idto, asin sinabi ko:
“Saro sindang banwaan na pirmi na sanang minarayo sa sako an saindang mga puso;Dai ninda naaaraman an sakuyang mga dalan.”
11 Kaya sa kaanggutan ko suminumpa ako:
“Dai sinda malaog sa sakuyang kapahingaluan.”+
