Salmo 54:1-7
-
Pamibi nin paghagad nin tabang kan nasa tahaw nin mga kalaban
-
“An Diyos an sakuyang paratabang” (4)
-
Para sa direktor nin musika; kakantahon kasabay nin mga instrumentong de-kuwerdas. Sarong Maskil.* Salmo ni David, kan an mga taga Zif magduman ki Saul asin magsumbong: “Nagtatago duman sa samo si David.”+
54 O Diyos, iligtas mo ako paagi kan saimong pangaran,+Asin idepensa mo ako*+ paagi kan saimong kapangyarihan.
2 O Diyos, danguga an pamibi ko;+Tawan mo nin atensiyon an mga sinasabi kan sakuyang nguso.
3 Huli ta may mga estranghero na minatumang sa sako,Asin daing hirak na mga tawo an gustong gumadan sa sako.*+
Mayo sindang paggalang sa Diyos.*+ (Selah)
4 Hilinga! An Diyos an sakuyang paratabang;+Si Jehova nasa kaibanan kan mga nagsusuportar sa sako.*
5 Ibabalos niya sa sakong mga kalaban+ an mismong karatan na ginibo ninda;Huli sa saimong kaimbudan, tarapuson* mo sinda.+
6 Gikan sa buot akong maatang sa saimo.+
Uumawon ko an saimong pangaran, O Jehova, huling marahay iyan.+
7 Huli ta iliniligtas niya ako sa lambang kasakitan,+Asin hihilingon kong may dakulang kaugmahan an pagbagsak kan sakong mga kalaban.+
