Salmo 148:1-14
148 Umawon nindo si Jah!*
Umawon nindo si Jehova hali sa kalangitan;+Umawon nindo siya sa kaitaasan.
2 Umawon nindo siya, kamo gabos na anghel niya.+
Umawon nindo siya, kamong bilog na hukbo niya.+
3 Umawon nindo siya, kamong aldaw asin bulan.
Umawon nindo siya, kamo gabos na bituon na nagkikinang.+
4 Umawon nindo siya, O pinakahalangkaw na kalangitan*Asin kamong katubigan na nasa ibabaw kan kalangitan.
5 Lugod na umawon ninda an pangaran ni Jehova,Huling ipinagbuot niya, asin nalalang sinda.+
6 Pinagdadanay niya sinda sa saindang kinamumugtakan sagkod nuarin pa man;+Nagpaluwas siya nin pagbuot na dai mapapasó.+
7 Umawon nindo si Jehova hali sa daga,Kamong darakulaon na mga linalang sa kadagatan asin kamo gabos na hararom na katubigan,
8 Kamong kikilat asin uran na yelo,* niyebe asin mahibog na mga panganuron,Ika na duros nin bagyo, na nag-uutob kan saiyang tataramon,+
9 Kamong mga bukid asin kamo gabos na kabubuldan,+Kamong mga namumungang kahoy asin kamo gabos na sedro,+
10 Kamong mga layas na hayop+ asin kamo gabos na magarong hayop,Kamong mga linalang na nagkakaramang asin may pakpak na mga gamgam,
11 Kamong mga hadi sa daga asin kamo gabos na nasyon,Kamong mga pamayo* asin kamo gabos na hukom sa daga,+
12 Kamong mga hoben na lalaki asin mga hoben na babayi,*Kamong mga gurang na lalaki kaibanan an mga aki.*
13 Lugod na umawon ninda an pangaran ni Jehova,Huling an saiyang pangaran sana an dai maabot dahil sa kalangkawan.+
An saiyang kamahalan nasa ibabaw kan daga asin langit.+
14 Dadagdagan niya an kusog* kan saiyang banwaan,Para sa kaumawan kan gabos na maimbod sa saiya,Kan mga aki ni Israel, an banwaan na dayupot sa saiya.
Umawon nindo si Jah!*
Mga Nota
^ O “Aleluya!” Sa Ingles, Hallelujah. An “Jah” pinahalipot na porma kan pangaran na Jehova.
^ Sa literal, “kamong mga langit kan mga langit.”
^ O “asin graniso.”
^ O “prinsipe.”
^ Sa literal, “mga birhen.”
^ O “mga gurang kaibanan an mga aki.”
^ Sa literal, “Ilalangkaw niya an sungay.”
^ O “Aleluya!” Sa Ingles, Hallelujah. An “Jah” pinahalipot na porma kan pangaran na Jehova.
