Salmo 63:1-11
Salmo ni David, kan siya nasa kaawagan nin Juda.+
63 O Diyos, ika an sakuyang Diyos, pirmi takang hinahanap.+
Napapaha ako* sa saimo.+Nangluluya ako* huli sa paghidaw ko sa saimo
Sa sarong mara asin alang na daga, sa lugar na mayo nin tubig.+
2 Kaya pinagmasdan taka sa banal na lugar;Nahiling ko an saimong kusog asin an saimong kamurawayan.+
3 Huli ta mas marahay kisa sa buhay an maimbod na pagkamuot mo,+Papamurawayon ka kan mga ngabil ko.+
4 Kaya uumawon taka sa bilog kong buhay;Sa pangaran mo, iiitaas ko an mga kamot ko.
5 Nababasog ako* sa pinakamarahay asin primera klaseng kahirasan,*Kaya an nguso ko uumawon ka nin may kaugmahan sa mga ngabil ko.+
6 Ginigirumdom taka mantang nasa higdaan ako;Hinuhurop-hurop taka sa bilog na magdamlag.*+
7 Huli ta ika an sakuyang paratabang,+Asin nagkukurahaw ako na may kaugmahan sa lindong kan saimong mga pakpak.+
8 Nangangapot ako* sa saimo;An tuo mong kamot nakakapot sa sako nin higot.+
9 Alagad idtong mga naghihinguwang gadanon ako*Mababa sa kararuman kan daga.
10 Itatao sinda sa kapangyarihan kan espada;Magigin pagkakan sinda nin mga layas na ayam na jakal.*
11 Alagad an hadi mag-uugma huli sa Diyos.
An lambang tawong minasumpa paagi sa Saiya maggagaya-gayang marhay,*Huling an nguso kan mga nagtataram nin kaputikan papasilensiyuhon.
