Salmo 128:1-6
Kanta Para sa mga Pagtukad.
128 Maugma an lambang saro na may pagkatakot ki Jehova,+Na naglalakaw sa mga dalan Niya.+
2 Kakakanon mo an bunga kan pinagpagalan kan saimong mga kamot.
Magigin maugma ka asin makakamtan an kaginhawahan.+
3 An saimong agom na babayi magigin siring sa mabungang puon nin ubas sa laog kan harong mo;+An saimong mga aki magigin siring sa mga saringsing nin puon nin olibo sa palibot kan lamesa mo.
4 Uya! Sa arog kaiyan na paagi tatawan nin bendisyon+An tawong may pagkatakot ki Jehova.
5 Bebendisyunan ka ni Jehova hali sa Sion.
Lugod na mahiling mo an pag-uswag kan Jerusalem sa gabos na aldaw kan saimong buhay,+
6 Asin lugod na mahiling mo an mga aki kan saimong mga aki.
Lugod na magkaigwa nin katuninungan sa Israel.
