Salmo 142:1-7

  • Pamibi na iligtas laban sa mga nagpepersegir

    • “Mayo na ako nin madudulagan” (4)

    • ‘Ika na sana an natatada sa sako’ (5)

Sarong maskil.* Salmo ni David kan siya yaon kaidto sa kuweba.+ Sarong pamibi. 142  Paagi kan sakong boses nag-aapod ako ki Jehova para maghagad nin tabang;+Paagi kan sakong boses nakikiulay ako ki Jehova na kahirakan niya ako.  2  Sa saiyang atubangan ipinapahayag ko an sakong kahaditan;Sa saiyang atubangan isinasabi ko an sakong kasakitan+  3  Kan an sakong espiritu* magluya sa laog ko. Dangan binantayan mo an dalan ko.+ Sa dalan na diyan ako naglalakaw,Nagtáon* sinda nin silo para sa sako.  4  Maghiling ka sa may tuo* ko asin pagmasdan mo—Mayo nin nagmamakulog* sa sako.+ Mayo na ako nin madudulagan;+Mayo ni saro na nagmamalasakit sa sako.*  5  Nag-aapod ako sa saimo, O Jehova, para maghagad nin tabang. An sabi ko: “Ika an sakuyang pailihan,+An natatada na sana sa sako* sa daga kan mga buhay.”  6  Tawan mo nin atensiyon an paghagad ko nin tabang,Huling nasa masakiton akong kamugtakan. Iligtas mo ako sa mga nagpepersegir sa sako,+Huling mas makusog sinda kisa sako.  7  Iluwas mo ako* sa bilangguan na nasa iraromTanganing maumaw ko an saimong pangaran. Lugod na an mga matanos magtiripon sa palibot koHuling nagin mabuot ka sako.

Mga Nota

^ Hilingon sa Glosaryo.
^ O “kusog.”
^ O “Nagtaan; Naglaag.”
^ O “sa kalag ko.”
^ Sa literal, “nagmimidbid.”
^ O “tuong kamot.”
^ Sa literal, “An sakong kahirasan.”
^ O “an kalag ko.”

Copyright kan publikasyon na ini