Salmo 150:1-6
150 Umawon nindo si Jah!*+
Umawon nindo an Diyos sa banal na lugar niya.+
Umawon nindo siya sa kahiwasan na patunay* kan kusog niya.+
2 Umawon nindo siya huli sa saiyang makapangyarihan na mga gibo.+
Umawon nindo siya huli sa saiyang nakakalabing marhay na kadakulaan.+
3 Umawon nindo siya paagi sa pagpatanog nin hamudyong.+
Umawon nindo siya paagi sa instrumentong de-kuwerdas asin arpa.+
4 Umawon nindo siya paagi sa tamburin+ asin pagbayleng paitok.
Umawon nindo siya paagi sa instrumentong de-kuwerdas+ asin plawta.*+
5 Umawon nindo siya paagi sa mga simbal na nagkakaragting.
Umawon nindo siya paagi sa mga simbal+ na nagkakalansing.
6 An lambang bagay na naghahangos—umawon kaini si Jah.
Umawon nindo si Jah!*+
