Salmo 47:1-9
Para sa direktor nin musika. Salmo kan mga aki ni Kora.+ Sarong kanta.
47 Magparalakpak kamo, kamo gabos na banwaan.
Maugma kamong magkurahaw sa Diyos huli sa kapangganahan.
2 Huli ta si Jehova na Kahuruhalangkawi kahanga-hanga;*+Siya an makapangyarihan na Hadi sa bilog na daga.+
3 An mga banwaan ipinapasakop niya sa sato;An mga nasyon ibinubugtak niya sa irarom kan mga bitis niyato.+
4 Pinipili niya para sa sato an satuyang mana,+An orgulyo kan Jacob, na namumutan niya.+ (Selah)
5 Nagsakat an Diyos mantang an banwaan nagkukurahaw na maugma;Nagsakat si Jehova mantang pinapatanog an hamudyong ninda.*
6 Magkanta nin mga pag-umaw* sa Diyos, magkanta nin mga pag-umaw.
Magkanta nin mga pag-umaw sa satong Hadi, magkanta nin mga pag-umaw.
7 Huli ta an Diyos Hadi sa bilog na daga;+Magkanta nin mga pag-umaw, asin magpahiling nin pakasabot.
8 An Diyos nagin Hadi sa mga nasyon.+An Diyos nagtukaw sa saiyang banal na trono.
9 Nagtiripon an mga lider kan mga banwaanKaiba kan banwaan kan Diyos ni Abraham.
Huli ta sadiri nin Diyos an mga tagapamahala* sa daga.
Halangkawon nanggad siya.+
