Salmo 11:1-7

  • Pagpaili ki Jehova

    • “Si Jehova yaon sa saiyang banal na templo” (4)

    • Ikinakaungis nin Diyos an siisay man na namumuot sa kadahasan (5)

Para sa direktor nin musika. Salmo ni David. 11  Ki Jehova ako nagpapaili.+ Kaya taano ta sinasabi nindo sa sako:* “Dumulag kang arog sa gamgam pasiring sa bukid nindo!  2  Hilinga kun paano kinukurba kan mga maraot an* busog;Ibinubugtak ninda sa lubid kaiyan an saindang pana,Tanganing patamaan hali sa kadikluman an mga matanos an puso.  3  Pag magkagaraba an mga pundasyon,*Ano an gigibuhon kan matanos?”  4  Si Jehova yaon sa saiyang banal na templo.+ An trono ni Jehova yaon sa kalangitan.+ Naghihiling an saiyang mga mata; sinisiyasat kan saiyang nagmamasid na marhay* na mga mata an mga aki nin tawo.+  5  Sinisiyasat ni Jehova an matanos pati an maraot;+Ikinakaungis niya* an siisay man na namumuot sa kadahasan.+  6  Sa mga maraot, mga siod* an ipapauran niya;Kalayo saka asupre+ asin nakakapasong duros an magigin laog kan saindang kopa.  7  Huling matanos si Jehova;+ namumuot siya sa mga matanos na gibo.+Mahihiling kan mga matanos an lalawgon niya.*+

Mga Nota

^ O “sa kalag ko.”
^ O “paano ikinakabit kan mga maraot an lubid sa.”
^ O “mga pundasyon nin hustisya.”
^ O “saiyang nagliliwanag.”
^ O “kan saiyang kalag; kan saiya mismong pagkapersona.”
^ O posibleng “naglalaad na mga baga.”
^ O “Makakamtan kan mga matanos an pag-uyon niya.”

Copyright kan publikasyon na ini