Salmo 84:1-12
Para sa direktor nin musika; nasa Gittith.* Salmo kan mga aki ni Kora.+ Sarong kanta.
84 Magayunon* na marhay an saimong mamuraway na tabernakulo,+O Jehova na pamayo nin mga hukbo!
2 Nagmamawot an bilog kong pagkatawo,*Iyo, nangluluya ako huli sa paghidaw,Sa mga patyo ni Jehova.+
An sakong puso asin an sakong pagkatawo nagkukurahaw na maugma sa buhay na Diyos.
3 Dawa an gamgam nakakakua duman nin maiistaranAsin an balinsasayaw naggigibo duman kan saiyang salagan,*Kun sain niya inaataman an saiyang mga siwoHarani sa mamuraway mong altar, O Jehova na pamayo nin mga hukbo,Sakuyang Hadi asin sakuyang Diyos!
4 Maugma an mga nag-iistar sa harong mo!+
Padagos sindang nag-uumaw sa saimo.+ (Selah)
5 Maugma an mga tawo na nakakakua nin kusog sa saimo,+Na an mga puso nakapokus sa mga mayor na tinampo.
6 Pag minaagi sinda sa Kababan nin Baca,*Ginigibo ninda iyan na lugar nin mga burabod;Asin an inot na mga pag-uran binabaduan iyan* nin mga bendisyon.
7 Padagos sindang malakaw pero dai mauubos an saindang kusog;+An lambang saro minaatubang sa Diyos sa Sion.
8 O Jehova na Diyos nin mga hukbo, danguga an sakong pamibi;Magdangog ka tabi, O Diyos ni Jacob. (Selah)
9 Hilingon mo, samuyang kalasag+ asin samuyang Diyos,*Hilingon mo an lalawgon kan saro na saimong linahidan.*+
10 Huli ta an sarong aldaw sa saimong mga patyo mas marahay pa kisa sangribong aldaw sa ibang lugar!+
Pinili kong magtindog sa entrada kan harong kan sakuyang DiyosKisa mag-istar sa mga tolda nin karatan.
11 Huli ta an Diyos na Jehova aldaw+ asin kalasag;+Nagpapahiling siyang kabuutan asin nagtataong kamurawayan.
An ano man na marahay dai ipapanguri ni JehovaSa mga naglalakaw na may integridad.+
12 O Jehova na pamayo nin mga hukbo,Maugma an tawong nagtitiwala sa saimo.+
