Salmo 107:1-43
-
Magpasalamat sa Diyos huli sa saiyang makangangalas na mga ginibo
107 Magpasalamat kamo ki Jehova, huling marahay siya;+Nagdadanay sagkod lamang an maimbod na pagkamuot niya.+
2 Lugod na sabihon iyan kan mga binawi* ni Jehova,Kan mga binawi niya sa kamot* kan kalaban,+
3 Na mga tinipon niya hali sa mga kadagaan,+Hali sa sirangan asin hali sa sulnupan,*Hali sa norte asin hali sa timog.+
4 Naglagaw-lagaw sinda sa kaawagan, sa disyerto;Mayo sindang nahiling na dalan pasiring sa sarong siyudad na puwede nindang istaran.
5 Gurutom sinda asin paraha;Biyo sindang nangruruluya* huli sa grabeng kapagalan.
6 Nagparaagrangay sinda ki Jehova huli sa saindang kasakitan;+Ilinigtas niya sinda sa saindang dipisilon na kamugtakan.+
7 Pinalakaw niya sinda sa tamang dalan+Tanganing makaabot sa sarong siyudad na puwede nindang istaran.+
8 Lugod na an mga tawo magpasalamat ki Jehova+ huli sa maimbod na pagkamuot niyaAsin huli sa saiyang makangangalas na mga ginibo para sa mga aki nin tawo.+
9 Huli ta pinainom niya an paha*Asin binasog nin marahay na mga bagay an gutom.*+
10 An nagkapira namumuhay sa grabeng kadikluman,Mga preso na nasa grabeng pagsakit asin nakakadenahan nin lansang.*
11 Huli ta nagrebelde sinda laban sa tataramon nin Diyos;Dai ninda iginalang an sadol kan Kahuruhalangkawi.+
12 Kaya pinakumbaba niya an saindang puso paagi sa kasakitan;+Nagkaturumba sinda, asin mayo sa sainda nin siisay man na nagtabang.
13 Nag-apod sinda ki Jehova tanganing maghagad nin tabang huli sa saindang kasakitan;Ilinigtas niya sinda sa saindang dipisilon na kamugtakan.
14 Ilinuwas niya sinda hali sa grabeng kadikluman,Asin pinurutol niya an saindang mga kadena.+
15 Lugod na an mga tawo magpasalamat ki Jehova huli sa maimbod na pagkamuot niya+Asin huli sa saiyang makangangalas na mga ginibo para sa mga aki nin tawo.
16 Huli ta ginaraba niya an mga pinto na gibo sa tanso,Asin pinurutol niya an mga balagbag na pambarat na gibo sa lansang.+
17 Mga mangmang sinda asin nagsapar nin grabeng pagsakit+Huli sa mga paglapas ninda asin mga pagkakasala.+
18 Nawara an gana ninda para sa* gabos na pagkakan;Ruminani sinda sa mga trangkahan nin kagadanan.
19 Minaapod sinda ki Jehova tanganing maghagad nin tabang huli sa saindang kasakitan;Iliniligtas niya sinda sa saindang dipisilon na kamugtakan.
20 Isinusugo niya an saiyang tataramon asin pinapaumayan sinda+Asin iliniligtas sinda sa kalot kun sain sinda nalaom.
21 Lugod na an mga tawo magpasalamat ki Jehova huli sa maimbod na pagkamuot niyaAsin huli sa saiyang makangangalas na mga ginibo para sa mga aki nin tawo.
22 Lugod na magdulot sinda nin mga atang nin pasasalamat+Asin ipahayag an mga ginibo niya nin may kurahaw nin kaugmahan.
23 Idtong mga nagbibiyahe sa dagat sakay nin mga barko,Na nagpapabalik-balik sa mahiwason na katubigan huli sa saindang negosyo,+
24 Nahiling ninda an mga ginibo ni JehovaAsin an saiyang makangangalas na mga gibo sa hararom na katubigan;+
25 Kun paanong paagi sa saiyang tataramon minalataw an alipuros,+Na nagpapalangkaw sa mga alon kan dagat.
26 Minaulanto sinda pasiring sa langit;Minabugsok sinda sa kairaruman.
An saindang kusog nin buot* nawawara dahil sa papaabot na kapahamakan.
27 Minasayasay sinda asin minaripay-dipay arog nin tawong burat,*Asin nagigin daing serbi an gabos nindang abilidad.+
28 Dangan minaagrangay sinda ki Jehova huli sa saindang kasakitan,+Asin iliniligtas niya sinda sa saindang dipisilon na kamugtakan.
29 Pinapakalma niya an alipuros;An mga alon kan dagat minakulpa.+
30 Nag-uugma sinda pag magtuninong an mga iyan,Asin ginigiyahan niya sinda pasiring sa gusto nindang duungan.
31 Lugod na an mga tawo magpasalamat ki Jehova huli sa maimbod na pagkamuot niyaAsin huli sa saiyang makangangalas na mga ginibo para sa mga aki nin tawo.+
32 Lugod na pamurawayon ninda siya sa katiripunan* kan banwaan,+Asin lugod na umawon ninda siya sa konseho* kan kamagurangan.
33 Ginigibo niyang disyerto an mga salog,Asin ginigibo niyang alang na daga an mga burabod nin tubig,+
34 Ginigibo niyang maasin* na kadagaan an mabungang kadagaan,+Huli sa karatan kan mga nag-iistar diyan.
35 Ginigibo niyang mga danaw-danaw na pano nin tambo* an disyertong kadagaan,Asin ginigibo niyang mga burabod nin tubig an marang daga.+
36 Pinapaistar niya diyan an mga gutom,+Tanganing makaestablisar sinda nin sarong siyudad na maiistaran ninda.+
37 Nagsasabwag sinda sa mga uma asin naggigibo nin mga ubasan+Na namumunga nin abunda.+
38 Binebendisyunan niya sinda asin minadakul na marhay sinda;Dai niya pinapabayaan na magdiit an mga ataman na hayop ninda.+
39 Alagad minadiit giraray sinda asin napapasupogHuli sa pang-aapi, kapahamakan, asin kamunduan.
40 Ipinapasupog niya nin todo an mga tawong ginagalangan,Asin pinapalagaw-lagaw niya sinda sa kaawagan na mayo nin dalan.+
41 Alagad pinoproteksiyunan niya* an mga dukha laban sa pang-aapi,+Asin pinapadakul niya an saindang mga pamilya nin siring sa sarong aripumpon.
42 Nahihiling ini kan mga matanos asin nag-uurugma sinda;+Pero an gabos na maraot nagtitikom kan nguso ninda.+
43 Pagmamasdan kan siisay man na madunong an mga bagay na ini,+Asin maingat niyang iisip-isipon an mga ipinapahiling ni Jehova na maimbod na pagkamuot.+
Mga Nota
^ O “tinubos.”
^ O “kapangyarihan.”
^ O “Puon sa pagsirang asin sa pagsulnop kan aldaw.”
^ O “An kalag ninda biyong nangruruluya.”
^ O “gutom na kalag.”
^ O “alang na kalag.”
^ O “batbat.”
^ O “Ikinabaldi kan kalag ninda an.”
^ O “saindang kalag.”
^ O “buyong.”
^ O “kongregasyon.”
^ Sa literal, “tukawan.”
^ O “tagiltil.”
^ O “gaho.”
^ O “ibinubugtak niya sa lugar na halangkawon,” an buot sabihon, dai maabot.
