Salmo 129:1-8
-
Inatake pero dai nadaog
-
Napasupog an mga nauungis sa Sion (5)
-
Kanta Para sa mga Pagtukad.
129 “Pirmi na ninda akong pig-aatake puon kan ako aki pa”+
—Sabihon ngunyan kan Israel—
2 “Pirmi na ninda akong pig-aatake puon kan ako aki pa;+Pero dai ninda ako nadaog.+
3 An mga paraarado inarado an sakong likod;+Pinalaba ninda an saindang mga kali-kali.”
4 Alagad matanos si Jehova;+An mga lubid kan mga maraot pinaratod niya.+
5 Mapapasupog sinda asin maaratras sa kasusupgan,Gabos na nauungis sa Sion.+
6 Magigin sindang siring sa duot* sa ibabaw nin mga atopNa naluluyos bago pa man iyan magabot,
7 Na dai makakapano sa kamot kan mga paragapasNi sa mga takyag kan saro na nagtitipon kan mga binugkos na uhoy.
8 An mga nag-aaragi dai masarabi sa sainda:
“Mapasaindo lugod an bendisyon ni Jehova;Binebendisyunan mi kamo sa ngaran ni Jehova.”
Mga Nota
^ O “awot.”
