Salmo 73:1-28
Salmo ni Asaf.+
73 An Diyos tunay na marahayon sa Israel, sa mga dalisay an puso.+
2 Alagad ako, dikit-dikitan pang malagalag an mga bitis ko;Haros madarinas na ako sa mga paglakad ko.+
3 Huli ta nauri ako sa mga mapalangkaw*Pag nahihiling ko an katuninungan kan mga maraot.+
4 Huli ta an saindang kagadanan bakong makulog;An saindang hawak* marahay an salud.*+
5 Dai sinda napupurisaw arog kan ibang tawo,+Ni nasasakitan sinda arog kan iba.+
6 Kaya, kapalangkawan an kulintas ninda;+Kadahasan an nakasulot sa sainda na siring sa bado.
7 Huli sa pagigin asensado* ninda nagburutlog an saindang mga mata;An mga nakamtan ninda urog pa sa iniimahinar kan puso ninda.
8 Nanunuya sinda asin nagtataram nin maraot na mga bagay.+
May kapalangkawan sindang nanghuhuma nin pang-aapi.+
9 Nagtataram sinda na garo baga arog sinda kalangkaw kan langit,Asin an saindang mga dila hambugon na naglilibot-libot sa daga.
10 Kaya an saiyang banwaan nagsurunod sa sainda,Asin nag-irinom sa abundang tubig ninda.
11 Sinda nagsasarabi: “Paano man ini maaaraman nin Diyos?+
Talaga daw na aram ini kan Kahuruhalangkawi?”
12 Iyo, sinda an mga maraot, na parelaks-relaks sana pirmi.+
Padagos nindang dinudugangan an saindang kayamanan.+
13 Talagang mayo nin saysay na pinagdadanay ko pang dalisay an sakong pusoAsin na hinuhugasan ko an sakong mga kamot para ipahiling na daing sála ako.+
14 Asin nasasakitan ako sa bilog na aldaw;+Kada aga sinasagwi ako.+
15 Alagad kun an mga bagay na ini ipinangistorya ko,Nagin traydor kuta ako sa banwaan mo.*
16 Kan hinguwahon kong sabuton ini,Nakapurisaw nanggad ini sa sako;
17 Sagkod sa luminaog ako sa banal na santuwaryo nin Diyos,Saka ko nasabutan an saindang kaaabtan.
18 Totoo nanggad na ibinubugtak mo sinda sa dagang mahalnas.+
Pinangyayari mong matumba sinda asin malaglag.+
19 Bigla na sana sindang malalaglag!+
Bigla sana sindang matatapos pag mag-abot sa sainda an teribleng katapusan!
20 Siring sa pangaturugan na nalilingawan pagkamata, O Jehova,Pagbangon mo, isisikwal mo sinda.*
21 Alagad naghihinanakit an sakong puso,+Asin may matinding kulog sa kalaog-laugi ko.*
22 Nagin akong daing pag-iisip asin mayo nin pakasabot;Nagin akong garo daing isip na hayop sa atubangan mo.
23 Pero ngunyan, padagos akong minaiba sa saimo;Kapot mo an tuong kamot ko.+
24 Ginigiyahan mo ako paagi sa saimong sadol,+Asin pagkatapos dadarahon mo ako sa kamurawayan.+
25 Siisay pa man sa kalangitan an makakatabang sa sakuya?
Asin apuwera saimo mayo na akong iba pang minamawot sa daga.+
26 Mangluya man an sakong hawak asin an sakong puso,An Diyos iyo an gapo kan sakong puso asin an sakong kahirasan sagkod lamang.+
27 Totoo nanggad na magkakaparara an mga nagdadanay na harayo sa saimo.
Tatapuson* mo an lambang saro na dai nagin maimbod* na nagbaya sa saimo.+
28 Pero para sa sakuya, an pagrani sa Diyos marahay sa sako.+
Ginibo kong pailihan an Soberanong Kagurangnan* na Jehova,Tanganing ipahayag an gabos mong ginibo.+
