Salmo 98:1-9
-
Si Jehova, Paraligtas asin matanos na Hukom
-
Ipinaaram an pagliligtas ni Jehova (2, 3)
-
Sarong salmo.
98 Magkanta ki Jehova nin sarong bagong kanta,+Huling naggibo siya nin makangangalas na mga bagay.+
An saiyang tuong kamot, an saiyang banal na takyag, nagtao nin kaligtasan.*+
2 Ipinaaram ni Jehova an pagliligtas niya;+Ihinayag niya sa atubangan kan mga nasyon an katanusan niya.+
3 Ginirumdom niya an saiyang maimbod na pagkamuot asin kaimbudan sa nasyon* nin Israel.+
Nahiling kan gabos na sagkudan kan daga an pagliligtas* kan satuyang Diyos.+
4 Magkurahaw na may labi-labing kaugmahan asin mag-urumaw ki Jehova, kamo gabos sa daga.
Mag-ugma saka magkurahaw na may kagaya-gayahan asin magkanta nin mga pag-umaw.*+
5 Magkanta nin mga pag-umaw* ki Jehova gamit an arpa,Paagi sa arpa asin sa magayon pagdangugon na kanta.
6 Paagi sa mga trumpeta asin sa tanog kan hamudyong,+Magkurahaw na may labi-labing kaugmahan sa atubangan kan Hadi, si Jehova.
7 Maugmang maghagubuhob an dagat asin an gabos na nakakapano kaiyan,An daga* asin an mga nag-iistar diyan.
8 Ipalakpak kan mga salog an mga kamot ninda;Maugmang magkurahaw nin iriba an mga bukid+
9 Sa atubangan ni Jehova, huling padangadang* siya tanganing husgaran an daga.
Huhusgaran niya nin may katanusan an iniistaran na daga,*+Asin huhusgaran niya nin pantay-pantay an mga banwaan.+
