Salmo 8:1-9
Para sa direktor nin musika; nasa Gittith.* Salmo ni David.
8 O Jehova na samuyang Kagurangnan, mamuraway nanggad sa bilog na daga an saimong pangaran;Itinaas mo an saimong kamurawayan nin mas halangkaw pa kisa sa kalangitan!*+
2 Hali sa nguso nin mga aki asin mga umboy+ ipinahiling mo an saimong kusogHuli sa mga kalaban mo,Tanganing mapasilensiyo an kaiwal asin an parabalos.
3 Pag nahihiling ko an saimong kalangitan, an mga gibo kan saimong mga muro,An bulan asin an mga bituon na inandam mo,+
4 Siisay man an tawong mortal ta ginigirumdom mo siya,Asin an aki nin tawo ta inaataman mo siya?+
5 Ginibo mo siyang mas hababa nin dikit kisa sa mga arog-diyos,*Asin kinoronahan mo siya nin kamurawayan asin kahanga-hangang kagayunan.
6 Ipinamahala mo sa saiya an mga gibo kan saimong mga kamot;+Ipinasairarom mo sa saiyang mga bitis an gabos na bagay:
7 An gabos na karnero saka kanding asin mga baka,Siring man an mga layas na hayop,*+
8 An mga gamgam* sa kalangitan asin an mga sira sa dagat,An ano man na naglalangoy sa kadagatan.
9 O Jehova na samuyang Kagurangnan, mamuraway nanggad sa bilog na daga an saimong pangaran!
