Salmo 132:1-18
Kanta Para sa mga Pagtukad.
132 O Jehova, girumdumon mo si DavidAsin an gabos na kasakitan niya;+
2 Kun paanong ki Jehova siya suminumpa,
Kun paanong sa Makapangyarihan na Diyos kan Jacob siya nagpromesa:+
3 “Dai ako malaog sa tolda ko, sa harong ko.+
Dai ako mahigda sa kama ko, sa higdaan ko;
4 Dai ko tutugutan na magturog an sakong mga mata,Ni magpirong an sakong mga takob-takob*
5 Sagkod na makahanap ako nin sarong lugar para ki Jehova,Sarong magayon na irukan* para sa Makapangyarihan na Diyos kan Jacob.”+
6 Uya! Nabaretaan mi sa Efrata+ an manungod kaiyan;Nanumpungan mi iyan sa lugar kan kadlagan.+
7 Maglaog kita sa saiyang irukan;*+Magduko kita sa atubangan kan saiyang tungtungan.+
8 Tumindog ka, O Jehova, asin magpasiring ka tabi sa saimong irukan,*+Ika asin an Kaban kan saimong kusog.+
9 Lugod na an saimong mga saserdote magubingan nin katanusan,Asin lugod na an mga maimbod sa saimo magkururahaw na may kaugmahan.
10 Alang-alang ki David na saimong lingkod,Dai mo isikwal an* saimong linahidan.*+
11 Suminumpa ki David si Jehova;Siguradong dai niya babawion an sinabi niya:
“An saro sa mga gikan mo,*Ibubugtak ko sa saimong trono.+
12 Kun uutubon kan saimong mga aking lalaki an tipan koAsin an sakong mga pagirumdom na itinutukdo ko sa sainda,+An mga aking lalaki man nindaMaturukaw sa saimong trono sagkod lamang.”+
13 Huli ta pinili ni Jehova an Sion;+Minawot niyang ini an magin saiyang irukan:+
14 “Ini an sakong irukan* sagkod lamang;Digdi ako mairok,+ ta ini an sakuyang mawot.
15 Bebendisyunan ko ini nin bastanteng suplay;Babasugon ko an mga pobreng yaon diyan nin tinapay.+
16 An mga saserdote kaiyan gugubingan ko nin kaligtasan,+Asin an mga maimbod na yaon diyan makururahaw na may kaugmahan.+
17 Diyan ko dudugangan an kusog* ni David.
Nag-andam ako nin lampara para sa sakong linahidan.+
18 Gugubingan ko nin kasusupgan an saiyang mga kalaban,Pero an korona* sa saiyang payo magkikinang.”+
