Salmo 109:1-31
Para sa direktor nin musika. Salmo ni David. Sarong kanta.
109 O Diyos na sakuyang inuumaw,+ dai ka magdanay na silensiyo.
2 Huli ta an maraot asin an madaya ibinubuka an saindang nguso laban sa sako.
Nagtataram sinda nin manungod sa sako gamit an nagpuputik nindang dila;+
3 Pinapalibutan ninda ako nin anggot* na mga pananaram,Asin inaatake ninda ako na mayo man nin dahilan.+
4 Pagtumang an saindang ibinabalos sa sakong pagkamuot;+Alagad padagos akong namimibi.
5 Maraot an ibinabalos ninda sa sakong karahayan,+Asin kaanggutan an ibinabalos ninda sa sakong pagkamuot.+
6 Lugod na sarong maraot na tawo an maghusgar sa saiya;Lugod na sarong paratumang* an magtindog sa may tuo* niya.
7 Pag siya hinusgaran, lugod na mapatunayan siyang may sála;*Lugod na ibilang na kasalan maski an pamibi niya.+
8 Lugod na an saiyang mga aldaw magin diit sana;+An saiyang katungdan nin pangangataman kuanon lugod nin iba.+
9 Lugod na an mga aki* niya magin mga aking mayo nang ama,Asin an agom niya magin sarong balo.
10 Lugod na an mga aki* niya magin naglalagaw-lagaw na mga parapakilimos,Na minaharali sa gaba nindang harong tanganing maghanap nin kakanon.
11 Lugod na embarguhon kan saiyang inutangan an* gabos na igwa siya,Asin lugod na samsamon nin mga estranghero an mga pagsadiri niya.
12 Lugod na mayo nin siisay man na magpahiling sa saiya nin kabuutan,*Asin lugod na mayo nin siisay man na mahirak sa mga aki niyang mayo nang ama.
13 Lugod na an saiyang mga gikan* puruhuon;+Lugod na an saindang pangaran mapara bago maglihis an sarong henerasyon.
14 Lugod na an nagibong pagkakasala kan mga apuon niya girumdumon ni Jehova,+Asin lugod na an kasalan kan saiyang ina dai mapara.
15 Lugod na pirming nasa isip ni Jehova an ginibo ninda;Asin lugod na papangyarihon niyang dai na magirumduman pa sa daga an mga bagay manungod sa sainda.+
16 Huli ta dai nagirumduman kan tawong iyan na magpahiling nin kabuutan,*+Kundi padagos niyang linalapag an tawong inaapi,+ dukha, asin may pusong nalugadanTanganing gadanon ini.+
17 Mahiligon siyang magmaldisyon, kaya iyan an nag-abot sa saiya;Habo niyang magbendisyon, kaya mayo siyang bendisyon na nakua.
18 Nababaduan siya nin mga maldisyon bilang saiyang gubing.
Ibinubo an mga iyan sa hawak* niya nin siring sa tubig,Asin sa mga tulang niya nin siring sa lana.
19 Lugod na an mga pagmaldisyon niya magin siring sa gubing na ipinapatos niya sa sadiri niya+Asin magin siring sa paha na pirming sulot niya.
20 Iyan an balos ni Jehova sa saro na minatumang sa sako+Asin sa mga nagtataram nin maraot na mga bagay laban sa sako.*
21 Alagad ika, Jehova na Soberanong Kagurangnan,*Humiro ka para sa sako alang-alang sa saimong pangaran.+
Iligtas mo ako, huling marahay an maimbod na pagkamuot mo.+
22 Huli ta dai akong kalaban-laban asin dukha,+Asin an sakuyang puso tinusok sa laog ko.+
23 Patapos na an buhay ko siring sa diit-diit na nawawarang anino;Tinapring ako siring sa sarong duron.
24 Nawaran nin kusog an mga tuhod ko huli sa pag-ayuno;Maniwang na an hawak ko, asin luway-luway na akong nangluluya.*
25 Pigpaparatuya-tuya ninda ako.+
Pag nahihiling ninda ako, nagpipiling-piling an saindang payo.+
26 Tabangi ako, O Jehova na sakuyang Diyos;Iligtas mo ako paagi kan saimong maimbod na pagkamuot.
27 Lugod na maaraman ninda na paagi ini sa kamot mo;Na ika, O Jehova, an naggibo kaini.
28 Pabayai sinda na magtaram nin maldisyon, pero ika, lugod na magtao nin bendisyon.
Pag sinda magtirindog laban sa sako, lugod na sinda magkasurupog,Alagad lugod na maggaya-gaya an saimong lingkod.
29 Lugod na magubingan nin pagkasupog an mga minatumang sa sako;Lugod na mapatos sinda kan saindang kasusupgan na siring sa halabang bado.*+
30 Udok na uumawon kan sakuyang nguso si Jehova;Uumawon ko siya sa atubangan nin dakul na tawo.+
31 Huli ta matindog siya sa may tuo* kan dukhaTanganing iligtas siya sa mga nagkokondenar sa saiya.*
Mga Nota
^ O “dagit.”
^ O “paraakusar.”
^ O “tuong kamot.”
^ O “siyang maraot.”
^ Sa literal, “aking lalaki.”
^ Sa literal, “aking lalaki.”
^ O “Lugod na an mga parapaporsiyento magtáon nin mga silo para sa.”
^ O “maimbod na pagkamuot.”
^ O “saiyang lahi.”
^ O “maimbod na pagkamuot.”
^ O “lawas.”
^ O “kalag ko.”
^ Sa literal, “Nagniwang na an laman ko, mayo nang taba (mantika).”
^ O “siring sa daing manggas na pang-ibabaw na bado.”
^ O “tuong kamot.”
^ O “kalag niya.”
