An Siyahan nga Surat kan Timoteo 2:1-15

  • Pag-ampo para ha tanan nga tawo (1-7)

    • Usa nga Dios, usa nga tagapamutnga (5)

    • Lukat para ha ngatanan (6)

  • Instruksyon ha lalaki ngan babaye (8-15)

    • Pamado nga may kasadangan (9, 10)

2  Una ha ngatanan, igin-aaghat ko nga an mga pangamuyo, mga pag-ampo, mga pakimalooy para ha iba, ngan mga pagpasalamat himoon para ha ngatanan nga klase hin tawo,  para ha mga hadi ngan ha ngatanan nga may higtaas nga katungdanan,*+ basi padayon nga magkinabuhi kita nga mamingaw ngan murayaw nga may bug-os nga debosyon ha Dios ngan pagkaseryoso.+  Maopay ini ngan kinakarawat ha paniplatan han aton Paratalwas, an Dios,+  nga an kaburut-on matalwas an ngatanan nga klase hin tawo+ ngan makadangat ha husto nga kahibaro han kamatuoran.  Kay may usa nga Dios,+ ngan usa nga tagapamutnga+ ha Dios ngan ha mga tawo,+ usa nga tawo, hi Kristo Jesus,+  nga naghatag han iya kalugaringon sugad nga katugbang nga lukat para ha ngatanan*+—ini an papamatud-an ha itinanda nga panahon hini.  Tungod hini nga pagpamatuod,+ ginpili ako nga parasangyaw ngan apostol+—nagsusumat ako han kamatuoran, diri ako nagbubuwa⁠—usa nga magturutdo han mga nasud+ mahitungod han pagtoo ngan kamatuoran.  Salit hingyap ko nga ha tagsa nga lugar an mga lalaki padayon nga mag-ampo, nga gin-aalsa an mga kamot nga may pagkamaunungon,+ nga waray kasina+ ngan mga debate.+  Sugad man, an mga babaye sadang magpahusay ha ira kalugaringon pinaagi han angayan* nga bado, nga may kasadangan ngan maopay nga panhunahuna,* diri pinaagi han mga estilo ha pagsalapid han buhok ngan pagsul-ot hin bulawan o mga perlas o mahal hinduro nga bado,+ 10  kondi ha paagi nga angay ha mga babaye nga nag-aangkon nga may debosyon ha Dios,+ pinaagi han mag-opay nga mga buhat. 11  An babaye sadang maghilom* ngan bug-os nga magpasakop+ samtang gintututdoan. 12  Diri ko gintutugotan an babaye nga magtutdo, o magkaada hin awtoridad ha lalaki, lugod magpabilin hiya nga hilom.*+ 13  Kay hi Adan an siyahan nga ginhimo, sunod hi Eva.+ 14  Sugad man, hi Adan waray malimbongi, kondi an babaye bug-os nga nalimbongan+ ngan nagin matinalapason. 15  Pero titipigan hiya nga talwas pinaagi ha pagpanganak,+ basta magpadayon hiya* ha pagtoo ngan gugma ngan pagkabaraan nga may maopay nga panhunahuna.*+

Mga footnote

O “may awtoridad.”
O “ngatanan nga klase hin tawo.”
O “desente.”
O “maopay nga paghukom.”
O “magmingaw; magin kalmado.”
O “magpabilin hiya nga kalmado; magpabilin hiya nga mamingaw.”
Lit., “hira.”
O “maopay nga paghukom.”