Tipisalema 60:1-12
Eka mufambisi; hi mayimbelelelo ya risimu leri nge, “Khon’wa Ra Xitsundzuxo.” Miktami* ya Davhida. Ya ku dyondzisa. Hi nkarhi lowu a a lwa na Aramu-naharayimi na Aramu-Soba, kutani Yowabu a tlhelela a ya dlaya Vaedomu va 12 000, eNkoveni wa Munyu.+
60 Xikwembu xanga, u hi fularherile; u hi hangalasile.+
A wu hi hlundzukerile; kambe sweswi hi amukele.
2 U ninginise misava; u yi pandze yi pfuleka.
Yi lunghise, hikuva ya wa.
3 U endle leswaku vanhu va wena va xaniseka.
U hi nwise vhinyo leyi yi hi dedelekisaka.+
4 Nyika* lava ku chavaka xikombisoLeswaku va balekela vurha. (Selah)
5 Leswaku lava u va rhandzaka va ta ponisiwa,Hi ponise hi voko ra wena ra xinene u hi hlamula.+
6 Xikwembu lexi kwetsimaka* xi vulavurile xi ku:
“Ndzi ta tsaka, ndzi ta nyikela hi Xikeme tanihi ndzhaka,+Ndzi ta pima Nkova wa Sukoti.+
7 Tiko ra Giliyadi i ra mina ku fana na Manase,+Kasi Efrayimi i gondolo* ra nhloko ya mina;Yuda i nhonga ya ndhuna ya mina.+
8 Mowabu i xibya xa mina xo hlambela eka xona.+
Ndzi ta lahlela phaxani ra mina ehenhla ka Edomu.+
Naswona ndzi ta ba nkulungwana hileswi ndzi hluleke Vafilista.”+
9 I mani la nga ta ndzi yisa emutini lowu rhendzeriweke?*
I mani la nga ta ndzi yisa eEdomu?+
10 Xana a hi wena Xikwembu u hi fularheleke,Xikwembu xa hina, lexi tshikeke ku seketela mavuthu ya hina?+
11 Hi pfune emaxangwini ya hina,Hikuva ku ponisiwa loku humaka eka vanhu a hi nchumu.+
12 Xikwembu xi ta hi nyika matimba,+Naswona xi ta kandziyela valala va hina.+
Tinhlamuselo ta le hansi
^ Vona Tinhlamuselo.
^ Kumbexana “U nyike.”
^ Kumbexana “lexi nga endhawini ya xona yo kwetsima.”
^ Ku nga xigqoko xo sirhelela nhloko.
^ Kumbexana “biyeriweke.”
