Tipisalema 66:1-20

  • Mitirho ya Xikwembu yo hlamarisa

    • “Tanani mi ta vona mitirho ya Xikwembu” (5)

    • “Ndzi ta endla leswi ndzi ku tshembiseke swona” (13)

    • Xikwembu xi yingisa xikhongelo (18-20)

Eka mufambisi. Risimu. Miloti. 66  Banani mikulungwana mi dzunisa Xikwembu, n’wina hinkwenu emisaveni.+   Yimbelelani mi dzunisa vito ra xona leri vangamaka. Xi vangamiseni hi ku xi dzunisa.+   Byelani Xikwembu mi ku: “Mitirho ya wena ya hlamarisa hakunene!+ Valala va wena va ta rhurhumela emahlweni ka wena,Hikwalaho ka matimba ya wena lamakulu.+   Misava hinkwayo yi ta ku khinsamela;+Yi ta ku dzunisa hi tinsimu;Yi ta yimbelela yi dzunisa vito ra wena.”+ (Selah)   Tanani mi ta vona mitirho ya Xikwembu. Swilo leswi xi swi endleleke vanhu swa hlamarisa.+   Xi hundzule lwandle ri va ndhawu leyi omeke;+Va tsemakanye nambu hi milenge.+ Hi sungule ku tsaka hikwalaho ka leswi xi hi endleleke swona.+   Xi fuma hilaha ku nga heriki+ hi matimba ya xona. Matihlo ya xona ma tshama ma langute matiko.+ Lava omeke tinhloko a va fanelanga va titlakusa.+ (Selah)   Dzunisani Xikwembu xa hina, n’wina vanhu,+Xi dzuniseni swi twala.   Xi hlayisa vutomi bya hina;+Xi sirhelela milenge ya hina leswaku yi nga khudlunyeki.*+ 10  Hikuva u hi kamberile Xikwembu xerhu;+U hi basisile hilaha silivhere yi basisiwaka hakona. 11  U hi phase hi nete;U hi rhwexe ndzhwalo wo tika. 12  U endle leswaku vanhu va hi kandziyela;*Hi hundze hi le ndzilweni ni le matini;Kutani u hi yisa laha hi nga fika hi wisa kona. 13  Ndzi ta ta endlwini ya wena ni magandzelo yo hisiwa lama heleleke;+Ndzi ta endla leswi ndzi ku tshembiseke swona+ 14  Leswi ndzi swi tshembiseke hi nomu wa mina+Ni leswi ndzi swi vuleke hi nkarhi lowu a ndzi xaniseka. 15  Ndzi ta ku endlela magandzelo yo hisiwa hi swifuwo swo nonaHi makhuna lama nga ta hisiwa. Ndzi ta nyikela hi tinkuzi ni swiphongo. (Selah) 16  Tanani mi ta twa, n’wina hinkwenu lava chavaka Xikwembu,Ndzi ta mi byela leswi xi ndzi endleleke swona.+ 17  Ndzi xi vitanile hi nomu wa mina,Ndzi xi dzunisa hi ririmi ra mina. 18  Loko a ndzi hlayise swo biha embilwini ya mina,Yehovha a a ta va a nga ndzi yingisanga.+ 19  Kambe Xikwembu xi ndzi twile;+Xi yingise xikhongelo xa mina.+ 20  A ku dzunisiwe Xikwembu, lexi nga bakanyangiki xikhongelo xa minaKumbe xi ndzi tsona rirhandzu ra xona.

Tinhlamuselo ta le hansi

Kumbe “dedeleki.”
Hi Xiheveru, “kandziyela tinhloko.”