Tipisalema 111:1-10

  • Dzunisa Yehovha hikwalaho ka mitirho yakwe leyinene

    • Vito ra Xikwembu ra kwetsima naswona ra xiximeka (9)

    • Ku chava Yehovha i vutlhari (10)

111  Dzunisani Yehovha!*+ א [Aleph] Ndzi ta dzunisa Yehovha hi mbilu ya mina hinkwayo+ב [Beth] Laha ntlawa wa vanhu vo lulama wu hlengeletaneke kona. ג [Gimel]   Mitirho ya Yehovha i yikulu;+ד [Daleth] Vanhu hinkwavo lava yi tsakelaka va anakanyisisa hi yona.+ ה [He]   Ntirho wakwe wa vangama naswona wu sasekile,ו [Waw] Ku lulama ka yena ku ta va kona hilaha ku nga heriki.+ ז [Zayin]   U endla leswaku mitirho yakwe yo hlamarisa yi tsundzukiwa.+ ח [Heth] Yehovha u ni ntwelavusiwana* ni tintswalo.+ ט [Teth]   Lava va n’wi chavaka u va nyika swakudya.+ י [Yod] A nga wu rivali ntwanano wakwe.+ כ [Kaph]   U kombe vanhu vakwe mitirho yakwe ya matimbaל [Lamed] Hi ku va nyika ndzhaka* ya matiko.+ מ [Mem]   Mitirho yakwe i ntiyiso ni vululami;+נ [Nun] Swileriso swakwe hinkwaswo swa tshembeka.+ ס [Samekh]   Swi ta tshama swi tshembekile, sweswi ni hilaha ku nga heriki;ע [Ayin] Swi endliwe hi ntiyiso ni hi ku lulama.+ פ [Pe]   U kutsule vanhu vakwe.+ צ [Tsade] U lerise leswaku ntwanano wakwe wu tshama hilaha ku nga heriki. ק [Qoph] Vito rakwe ra kwetsima naswona ra xiximeka.+ ר [Resh] 10  Ku chava Yehovha i masungulo ya vutlhari.+ ש [Sin] Hinkwavo lava yingisaka swileriso swakwe va kombisa ku twisisa.+ ת [Taw] U ta dzunisiwa hilaha ku nga heriki.

Tinhlamuselo ta le hansi

Kumbe “Haleluya,” leswi vulaka “Dzunisani Yah.” Yah i nkomiso wa vito leri nge Yehovha.
Kumbe “nsovo.”
Ku nga tiko.