Tipisalema 149:1-9

  • Risimu ro dzunisa ku hlula ka Xikwembu

    • Xikwembu xi tsakela vanhu va xona (4)

    • Vanhu va Xikwembu vo tshembeka va xiximiwa (9)

149  Dzunisani Yehovha!* Yimbelelelani Yehovha risimu lerintshwa;+N’wi dzuniseni laha ku hlengeletaneke vanhu vakwe vo tshembeka.+   Israyele a a tsake hikwalaho ka Muendli wakwe Lonkulu;+Vana va Siyoni a va tsake hikwalaho ka Hosi ya vona.   A va dzunise vito ra yona hi ku cina+A va yi dzunise hi tinsimu va ri karhi va chaya xingomana ni haripa.+   Hikuva Yehovha u tsakela vanhu vakwe.+ U sasekisa lavo rhula hi ku va ponisa.+   Lavo tshembeka a va tsake hikuva wa va katekisa;A va be mikulungwana va ri emibedweni ya vona.+   A va yimbelele va dzunisa Xikwembu,Va khome banga leri tsemaka hala ni hala,   Leswaku va ta tirihisela eka vamatikoNi ku xupula vanhu,   Va boha tihosi ta vona hi tinketanaNi vanhu va vona va xiyimo xa le henhla hi tinsimbhi,   Ku va xupula hilaha swi tsariweke hakona.+ Ntirho lowu wu ta nyikiwa vanhu vakwe hinkwavo lavo tshembeka. Dzunisani Yehovha!*

Tinhlamuselo ta le hansi

Kumbe “Haleluya,” leswi vulaka “Dzunisani Yah.” Yah i nkomiso wa vito leri nge Yehovha.
Kumbe “Haleluya,” leswi vulaka “Dzunisani Yah.” Yah i nkomiso wa vito leri nge Yehovha.