Tipisalema 93:1-5

  • Yehovha i hosi leyikulu

    • “Yehovha i Hosi!” (1)

    • “Switsundzuxo swa wena swa tshembeka” (5)

93  Yehovha i Hosi!+ U ambale vukulukumba;Yehovha u ambale matimba;U ma bohe ku fana ni bandhi. Misava yi simekiwe yi tiya;A yi nge tsekatsekisiwi.   Xiluvelo xa wena xi simekiwe xi tiya khale swinene;+A wu na masungulo.+   Milambu ya hobomulana, Yehovha Xikwembu xanga,Milambu ya hobomulana yi tlhela yi pfuma;Milambu yi ya emahlweni yi hobomulana ni ku ba pongo.   Ehenhla ka mpfumawulo wa mati yo tala,Lama nga ni matimba ku tlula magandlati ya matimba ya lwandle,+Yehovha i nkulu etilweni.+   Switsundzuxo swa wena swa tshembeka swinene.+ Yindlu ya wena yi sasekile+ Yehovha Xikwembu xanga naswona ya kwetsima mikarhi hinkwayo.

Tinhlamuselo ta le hansi