Tipisalema 46:1-11

  • ‘Xikwembu i vutumbelo bya hina’

    • Mitirho ya Xikwembu yo hlamarisa (8)

    • Xikwembu xi herisa tinyimpi emisaveni hinkwayo (9)

Eka mufambisi. Risimu ra vana va Kora.+ Hi ku ya hi xitayele xa Alamoti.* 46  Xikwembu i vutumbelo ni matimba ya hina,+Mpfuno lowu kumekaka hi ku hatlisa hi nkarhi wa maxangu.+   Hi yona mhaka leyi hi nga ta ka hi nga chavi hambiloko misava yi cinca,Hambiloko tintshava ti wela exikarhi ka lwandle,+   Hambiloko mati ya rona ma hobomulana, ma tlhutlha ni khuvi,+Hambiloko tintshava ti tsekatseka hikwalaho ka ku kariha ka rona. (Selah)   Ku ni nambu lowu swinambyana swa wona swi tsakisaka muti wa Xikwembu,+Tabernakela leyikulu yo kwetsima ya La Nge Henhlahenhla.   Xikwembu xi le mutini;+ a wu nge hluriwi. Xikwembu xi ta wu pfuna ka ha ri mixo.+   Matiko a ma pfilunganyekile, mifumo a yi hluriwile;Xi huwelerile ivi misava yi n’oka.+  Yehovha wa mavuthu u na hina;+Xikwembu xa Yakobo i vutumbelo bya hina lebyi sirhelelekeke. (Selah)   Tanani mi ta vona mitirho ya Yehovha,Ndlela leyi a endleke swilo swo hlamarisa ha yona emisaveni.   U herisa tinyimpi emisaveni hinkwayo.+ U tshova vurha a tshovelela ni tlhari;U hisa makalichi* ya nyimpi hi ndzilo. 10  “Tinyikeleni, mi ta swi tiva leswaku ndzi Xikwembu. Ndzi ta tlakusiwa exikarhi ka matiko;+Ndzi ta tlakusiwa emisaveni.”+ 11  Yehovha wa mavuthu u na hina;+Xikwembu xa Yakobo i vutumbelo lebyi sirhelelekeke bya hina.+ (Selah)

Tinhlamuselo ta le hansi

Kumbexana “switlhangu.”